|
Warbixin:
Maxaa ka taqaan Waxbarashada degmada Yubbe ee Gobolka Sanaag
[Daawo Sawiro].
(Yubbe, May 12,
2008 Ceegaag Online)
 
Deegaanka Yubbe ee ka
tirsan Gobolka Sanaag ayaa mudooyinkan danbe waxay ku
talaabsatay horumar aad u fiican marka loo eego dhanka
Waxbarashada oo ay ka gaadhay meel aad u fiican, Boqolaal
Arday Reer Yubbe ah ayaa waxay shahaadooyin ka qaateen
Iskoolada Magaalada Yubbe kuwaasi oo la sheegay inay
Aqoontoodu tahay mid wacan.
Sida ay sheegeen dadka
Gacanta ku hayaa Iskoolada Magaalada Yubbe waxa jiray Arday
badan oo dhigata Mac-hadka laga barto Computer-ka, kaasi oo
ku yaala Deegaanka Yubbe, sida ay sawirada ku aragtaan
Ardaydaasi waxay shahaadiyin ka qaadeen Mac-hadka Computerka
ee Deegaanka Yubbe.
Iskoolkaasi lagu barto
Computer-ka ee Deegaanka Yubbe waxa dhiga Macalimiin Aqoon
dheeraad ah u leh barida Computer-ka, sida ay sheegeen
Maamulka Iskoolka Yubbe waxay Ardaydaasi dhigtaan Qaybaha
kala duwan ee Computer-ka sida
Power Point, Word, Excel Access, Fill Management,
Information Technology[ IT].
 
Sida ay sheegeen
Maamulka Iskoolka Yubbe waxa koro qaadiidka Waxbarshada
Deegaanka Yubbe gacan lixaadle ka qaatay
Jaaliyaha Dibada ee
Deegaanka Yubbe kuwaasi oo geed dheer iyo mid gaaban u
fuulay sidii kor loogu qaadi lahaa Waxbarshada Deegaanka
Yubbe.
Maamulka Iskoolka Yubbe
ayaa waxay kaloo intaasi ku dareen inay Jaalliyada Dibada ee
Deegaanka ugu baaqayaan inay dhexda u xidhaan sidii loo
dhaqaajin lahaa Iskool Sare oo ay Magaalada Yubbe
yeelato,waxay Masuuliyiintaasi farta ku fiiqeen inay lagama
maar maan noqotay in la helo Iskool Sare si looga kaaftoomo
bay yiraahdeen Ardayda waxbarashada u aadaysa Degmooyinka
kale Sida Bosaaso.
 
Iskoolkaasi laga barto
Computer-ka ee Degaanka Yubbe waxa uu leeyahay Garoon lagu
Ciyaaro Kubada Cagta taasi oo ay Ardaydu ku jimicsato marka
ay dhamaystaan Casharadooda iyaga oo kala baxa Koox koox,
Mid ka mid ah Ardaydaasi joogtay Garoonka ayaa sheegay inay
aad u soo dhawaynayaa Dadaalka dheer oo ay qabteenn
Jaaliyadaha Dibada ee
Deegaanka Yubbe,isaga oo Codsday in loo keeno Qalab Isports,
oo laga teegeero.
Isku soo xooriyoo
Iskoolka Magaalada Yubbe ayaa waxa la sheegay inuu furnaa
mudo gaadhaysa Sanad iyo
Lix Bilood isla markaana
ilaa wakhtigaa laga gaadhay Guul wax ku ool ah,waxa xusid
mudan in waxa garadka Deegaanka Yubbe ay garab taagan yihiin
Hormarka Deegaanka
Xigasho: Laasqoray
webmaster@ceegaag.com |
