Dr. Cabdiqawi: Dad layn diinteenana ma qabto dhaqankeenana ma ah.....

(New York, November 08,  2008 Ceegaag Online)

Ka raali ahaada Qadka Telefoonka oo hadalada yara goygoynaya

Halkan Riix: Dhagayso waraysiga ama hoos ka akhriso

Waxaa noo suuro gashay inaanu waraysi gaaban layeelano Dr. Cabdiqawi Axmed Yuusuf oo reer AYL ah, isgoo Khamiistii dhawayd loo doortay inuu ka mid noqdo Maxaakiimta Maxkamada Aduunka.

Warysiguna waxa uu u dhacay sidatan

Ceegaag: Magaca Soomaali marka la maqlo waxaa dadka madoxooda kusoo dhacaya Gaajo, Tahriibid isbiimayn ah, Qaxootinimo, Caydhnimo saboolnimo ku dheehan tahay, sidaa la ajligeed hadaynu Soomaali nahay ma aanu filayn inaanu ku biirno maxaakimta maxkamada Aduunka.

Waayo run ahaantii maqaamka laguu magacaabay iyo magaceenu manta waa kaaf iyo kala dheeri ee siday kuugu suuro gashay?

Dr. Cabdiqawi: Aadbaad ugu mahad san tahay su’aashaadaa, Taa ! (Su’aasha) waxaa ka jawaabay Xoghayaha Qaramada Midoobay iyo wakiilada wadamada aduunka u fadhuya UN ka markay nala kulmaan waxay na yidhaahdaan 20 kii sano ee tagay waxaad ku jirteen Dagaal iyo Halaag aad idinku is Halaagaseen,  aad iyo aad ayaan ugu faraxsanahay inayna Soomaali soo saarin dadka dhibaatada ka dhalinaya Soomaaliya balse ay soo saareen dad Dr. Yuusuf oo kale ah ay ka dhasheen Soomaali.

Waxaa cadaatay Inay Soomaalidu leedahay dad aduunka laga yaqaano, dad aduunka u sareeya, ayna ku rajo wayny yihiin in xal loo helo dhibaatada wadankeena taala arkaana in laga gudbay.

Waxaana hubaal ah Hadii Soomaalidu ku dadaalaan oo Xoogooda isugu geeyaan waxbarashada, Aqoon koororsiga,  iskana daayaan nacaybkan bilaa macnaha ah, dalkooda ay dhistaan, iskuna duubnaadaan ama iskuduubni muujiyaan taas ayaa lagugu ixtiraamayaa.

Ceegaag: Waxaan ognahay in labo nin ama laba shaqsi kugula dagaalamayeen jagadan oo ka kala yimid Kongo, iyo Filibiin, markaa sideebay adiga kuugu suuro gashay.

Dr. Cabdiqawi: Laba qof may ahayn ee waxay ahaayeen sadex qof, gabadh Filibiinees ah oo aad loola dadaalay wadamo badana dawladeedu tagtay, nin Kamaruun ah, iyo nin Kongaliis ah. Waxaa aad u dadaalay wadamo badana tagay  gabadha Filibiineeska ah iyo dawladeeda.

Waxaa loolanku joogay wadan wadan ama qaarad qaarad markii danbe ayaa laysugu yimid Golaha Guud ee Qaramada Midoobay. 

Subaxnimadii maanan kala bixin waayo waxaan helay 94 cod waxaana lagu guulaystaa caqlabiyada oo ah in qofku helo 97 cod halka gabdhii Filibiineeska ahaydna ka heshay 54 cod ninka Kamaruun ahina ka helay 44 cod ninkii kongaliiska ahaana wuu iska hadhay.

Qadadii kuligayo hoosbaanu u wada dhacnay, galabnimadiina sibuuxda ayaan u guulatstay anigoo helay 116 cod.

Halkan ka daawo Doorashada

Ceegaag: Arintani waa guul wayn oo aad u soo hoysay  Soomaaliya meel kasta oo ay joogaan markaa maxaad hada usoo jeedinasaa Soomaali meel kasta oo ay joogaan?

Dr. Cabdiqawi: Dee waano uun, Dad layn diinteenana ma qabto dhaqankeenana ma ah, Magaalooyin keeniina waynu ku burburinay Caruurteenana mahaystaan meel aynu kula noqono. Caqlixumadaa  jaahil nimada ku dhisan Soomaali ha ka waan towdo dadkooda magaalooyinkooda nabad ha isku siiyaan sifiicana ha ugu wada noolaadaan.

webmaster@ceegaag.com