|
Faarax Wehliye Caddow (Sendiko) oo ku
geeryooday Qaahira
(Qaahira,
November 20,
2008 Ceegaag Online)
Inaalilaahi wa inaa ilayhi
raajicuun, Aabihii isboortiga Soomaaliyeed ayaa ku
geeryooday xalay magaalada Qaahira ee caasimada wadanka
Masaarida,
Faarax Sendiko wuxuu in muddo ahaa
Guddoomiyaha Xiriirka Kubadda Cagta ee Soomaaliyeed,
Wuxuu kaloo ahaa ku xigeenka Xiriirka Kubadda Cagta ee
Africa "CAF", wuxuuna xubin ka ahaa xiriirka ciyaaraha
Kubadda Cagta Adduunka ee FIFA.
Faarax Weheliye Caddow Sindiko ayaa waxaa uu ka mid ahaa
xubnihii ciyaaraha Soomaaliya mudada burburka lagu guda
jiray gaarsiiyay heerka maanta uu taagan yahay, wuxuuna
maalkiisa uu ku bixin jiray horumarinta ciyaaraha, oo la
ogsoon yahay in ciyaaraha ay horseedaan isdhex gal
bulsho.
Maydka marxuum Sindiko ayaa loo
qaadayaa magaalada Muqdisho si loo gu aaso, waxaa tacsi
badan nasoo gaadhsiiyay dadkii la shaqeenjiray marxuumka
iyo intii uu isagu soo saaray oo haatan ku kala filiqsan
daafaha aduunka.
Anagoo ah shabakada Ceegaag waxaan
taxcsi u diranaa Qoyskii iyo Qaraabadii Marxuum Sindiko
meelkasta oo ay kala joogaan. Marxuumkana waxaan ilaahay
uga baryanaa inuu Janada fardowsa ah ka
waraabiyo.Aammiiiinn
www.ceegaag.com
webmaster@ceegaag.com |
