Maamul goboleedka Puntland ayaa sheegay in ay xoog ku soo furanayaan markab ay dhawaan qafaashen koox shufto badeed ah.

Wasiirka xiriirka caalamiga ah ee maamul goboleedka  Puntland Mudane: .Cali Cabdi Aware oo saxaafada kula hadlayay magaalada Boosaaso ayaa sheegay in hadii aan kooxdan haysata markabka sii dayn ay xoog isticmaali doonaan.

Arintan ayaa waxay ka dambaysay markii madaxwaynaha dawlada federaalka kumeel gaarka ah ee Soomaaliya uu soo gaaray magaalada Garoowe ee xarunta maamul goboleedka Puntland isaga oo ay socdaalkiisa ku weheliyaan safiirka dalka Yaman ee Soomaaliya iyo xubno ka tirsan baarlamaanka dawlada federaalka Soomaaliya.


Madaxweyne Cabdullaahi Yusuf oo la hadlay saxaafadda kadib markii uu gaarey Garoowe ayaa waxa uu sheegay in aanay jirin wax dhibaato ah, oo ay u socdaan wada tashi, isagoo ka mahad celiyey sida uu sheegay soo dhaweynta diiran ee wafdigiisu ka heleen halkaasi.