Madaxwayne Yuusuf oo tilmaamay dawlad la'aanta Soomaaliya isagoo jooga Nayroobi

(Nayroobi, November 15,  2008 Ceegaag Online)

Wararka ka soo yeedhaya goobta uu Madaxwayne Yuusuf ugu Sameeyay qado sharafta qaar ka mida Mudanayaasha baaarlamaanka, kuwa ay isku siyaasada dhaw yihiin ayaa sheegaya inuu si toos ah u dafiray xukuumada uu hor kacayo raysal wasaare Nuur Cade.

Nuur Cade oo ah Ruug cadaa Siyaasi ah ayaa u muuqda mid ku guulaystay kala furfurida iyo kala daadinta xukuumadii lagu yagleelay Embagaati. Nuur cade oo aan laga caydhsan jagada Raysal wasaarnimada ayaa hada ku mashquulsan kicinta Qabiilkiisa si uu uga takhaluso Madaxwayne Yuusuf oo isagu ka soo jeeda Dawlad Gobeleedka Puntland.

Qayladan ah in madaxwayne Yuusuf uusan Aqoonsanayn Raysal wasaare Nuur Cade ayaa hada u muuqata inay tahay midii aasi lahayd dhamaan dawladnimadii lagu soo yegleelay Dalka kenya iyadoo uuba wakhtigeedii dhamaaday.

Dhinaca kale Kooxaha Al-shabaab ayaa u muuqda kuwo iskala miiraya doonayana inay ka xuubsiibtaan shaatiga Qabiilka ay ku hoos jireen ilaa intii laga Caydhiyay Muqdisho.

www.ceegaag.com

webmaster@ceegaag.com