|
Maxkamadaha
Islaamiga oo ka soo horjeestay Heshiiskii Jabuuti
dhawaan ka dhacay.
(Muqdisho, November
29, 2008 Ceegaag Online)
Hogaanka gudaha ee maxkamadaha islaamiga ayaa ka soo
horjeestay heshiiskii dhawaan ay dalka Jabuuti ku
gaareen isbahaysiga dib u xoraynta qeybta uu Madaxda u
yahay Sheekh Shariif Sheekh Axmed iyo dowlada KMG
Soomaaliya.
Afhayeenka dhanka howlgalada maxkamadaha islaamiga C/raxiin
Ciise Cadow oo bayaanka u aqriyay Saxaafada gudaha
Muqdisho ayaa sheegay in Bayaanka ay maanta soo saareen
hogaanka gudaha ee maxkamadaha islaamiga uu si weyn uga
soo horjeedo heshiiskii dhawaan magaalada Jabuuti lagu
gaadhay.
“Maxkamadaha islaamiga barri ayay ka yihiin in heshiis
lala gaaro kooxda dalka Soomaaliya cadow ku soo
hogaamisay islamarakaana ciidamadii ee jooga dalka
imaanshahooda iyaga ka mas’uul yihiin ay wali ku sugan
yihiin gudaha dalka ciidamadaas”ayaa lagu yiri
bayaankaas.
Qoraalka Maxkamadaha Islaamiga soo saareen oo dhawr
qodob ka koobnaa ayaa u dhigna sidan.
(1) "Waxaan berri ka nahay in wax lagu darsado qoladii
dalka ku soo hogaamisay cadowga soo jireenka ah ee
ummadda Soomaaliyeed iyagoo aan ka toobad keenin
falkaasi,iyo cadowgii oo dalka wali heysta ciidamo
horlehna soo galinaya"
(2) "Waxaan si buuxda u taageersanahay qaabkii ay u
macneeyeen culumada musaabaxada heshiiskii Jabuuti oo ay
ku sheegeen in uusan waafaqsanayn shareecada islaamka
heshiiskaasi"
(3) "Waxaan sii wadi doonaa Jihaadka iyo muqaawamada
tan iyo inta ciidamada Ethiopia ay ka baxayaan dalka
Soomaaliya"
Bayaankan ayaa waxaa sidoo kale lagu cambaareeyay
falalka kooxaha burcad badeedu ay ka wadaan biyaha
Soomaaliya iyo howlgalada ay ciidamada shisheeye ka dhex
wadaan biyaha Soomaaliya kuwaasi oo lagu sheegay in ay
si sharci daro ah badda Soomaaliyeed ugu
kaluumaysanayaan.
Sheikh C/qaadir Cali Cumar oo ah ninka uga sareeya
madaxa hogaanka gudaha maxkamadaha islaamiga oo isna
saxaafadda la hadlayay ayaa sheegay in Soomaalidu ay
dhexdooda heshiin karaan islamarakaana ay wax wada
qeybasan karaan umadda Soomaaliya balse waxaa loo baahan
yahay ayuu yiri in cadowga dalka laga Saaro.
Diidmadan ka soo yeertay Saraakiisha gudaha ee
Maxkamadaha Islaamiga ayaa waxay dhabar jab Siyaasadeed
ku tahay hogaamiyaha Islaamiyiinta Soomaaliya Sheekh
Shariif SheekhAxmed oo hadda u muuqdo mid awoodiisa sii
dhamaanayso iyadoo dhinaca kalena guul weyn u tahay
garabka Xasan Dahir Aweys madaxda u yahay kuwaas oo
loolan adag kula jiray garabka Jabuuti.
www.ceegaag.com
webmaster@ceegaag.com |
