Ugu danbaytii doonyihii loobaahnaa in la afduubo oo Budhcad badeedka u gacan galay

(Boosaaso,  November 19,  2008 Ceegaag Online)

Iyadoo shalay oo qudha, lagu afduubay, gacanka cadmeed, labo markab, oo waa weeyn, ayaa wararka naga soo gaadhaya xeebaha bari ee soomaaaliya ay sheegayaan, in xalay saqdii dhexe, kooxo hubeysan ay ku afduubeen dooni nooca kaluumeysiga ah, doonidaasi oo mareeysay biyo badeedka soomaaliya.

Waxa kaloo warkan xaqiijiyay (Noel Chang) oo ka mid ah masuuliyiinta laanta hawlaha badda ee caalamiga, isago intaasi ku daray, in doonidaasi kaluumeysi laga lahaa wadanka Thailand.

Sida ilo xog ogaal ahi ay sheegayaan doontani waxaa saarnaa, shaqaale dhan 16 qof

afduubkan ayaa noqonaya kii sideedaad mudo laba todobaad oo kaliya, iyadoo aan la ogeyn ilaa iyo iminka jihada rasmig ah ee lala aadey doonidan kaluumaysi ee xaley u gacan gashay kooxahan budh cad badeeda ah  oo sii laaba laabay hawlahooda afduub iyo weerar ee ay ku qadaan xeebaha Soomaaliya, Gacanka Cadmeed iyo waliba badweynta Hindiya.

Wax warar ah oo dheeraad lagama hayo, doonidan iyo halka ay u socotay, iyo shaqaalaha saaran wadamada ay u u dhasheeen,

Hase ahaatee, wararka la isla dhex marayo magaalada boosaaso ayaa wax ay tibaaxayaan, in doonidu ay kusii jeeday bariga dhexe.

Wixii arntaa kasoo kordha kala soco, ceegaag online

webmaster@ceegaag.com