Ciidanka Booliska Kenya ayaa Xabsiga dhigay Andrew Mwangura oo ah sarkaal sare oo ka tirsan waaxda dekedaha Kenya.

(Mombasa, October 03,  2008 Ceegaag Online)

Ciidanka Booliska Kenya ayaa xiray Andrew Mwangura oo ah Sarkaal ka tirsan Waaxda Dekedaha Kenya, iyagoo weydiinaya su’aalo la xiriira cidda leh saanada  saaran Markabkii ay dhowaan kooxaha burcad badeeda Soomaalidu ka afduubteen badweynta Hindia.

Booliska ayaa la aaminsan yahay in ay u xireen sarkaalkan oo bixiyey warbixin ka duwan mida Dowladda Kenya ay bixisay taas oo ku saabsan lahaanshaha hubkii saarnaa Markabka Ukraine oo la shegay inuu siday  33 T-72 Soviet-designed battle tanks, grenade launchers, antiaircraft guns and piles of ammunition.

Sarkaal sare oo u hadlay Booliska Kenya oo u waramay wakaalada wararka Xinuha ayaa yiri, waanu haynaa waxaana dooneynaa in aanu wax ka ogaano waxa uu ka og yahay burcad badeeda iyo wararka kale ee la xiriira markabka la haysto iyo waxa saaran iyo cidda iska leh.

Andrew Mwangura ayaa ka hor intii aan la xiran warbaahintu ka xigatay isagoo leh, burcadan dhibaatada badan ku haysa howlaha baddaha waxay dalbanayaan in la siiyo 5 Million oo dollar si ay u sii daayaan markabka.

Waxaa kale oo uu sheegay Andrew Mwangura in Burcad badeedu ay kasoo degeen halkii ay markii hore taagnaayeen ee ahayd in la siiyo 20 Million, waxayna iminka doonayaan ayuu yiri 5 Million oo qura, wuxuuna intaasi ku daray in uu biloowday xiriirka dadka leh markabka iyo kooxda haysata.

Burcad Badeeda  ka qowleysta Biyaha Soomaaliya ayaa loo aqoonsaday kuwa ugu qatarsan Caalamka, iyagoo wax ka afduubta meel aad muhiim u ah (waa gacanka Cadmeed) oo u dhaxeeya Waqooyiga Soomaaliya iyo Yemen, gacankaas oo ah wadada ugu weyn ee loo sii maro Channel Suez ee isku xirra Qaaradaha Europe iyo Asia  

www.ceegaag.com

webmaster@ceegaag.com