Garsoore Xukumay Nin Soomaali ah oo 30 sanno daganaa Britain in Somalia loo celiyo.

(London, October 17,  2008 Ceegaag Online)

Nin Soomaaliyeed oo dalka Britain ku noolaa tan iyo 4-jirkiisii ayaa garsoore ku xukumey in soomaaliya dib loogu celiyo isaga oo ku sharaxey in khibraddiisa iyo waayo-aragnimadiisa dembiyada ay u saamaxayso inuu ku dhex badbaado xaaladda adag ee ka jirta Soomaaliya waqtigan. Qoyska ninkan oo lagu magacaabo Cabdi Maxamed ayaa go'aanka garsooraha ee in Soomaaliya loo celiyo ku tilmaamey inay la mid tahay xukun dil ah.

Cabdi Maxamd oo 34 jir ah ayaa maxkamadu ku tilmaamntey inuu ahaa nin caadaystey gelidda dembiyo xiriir ah illaa yaraantiisii isagoo 12 jir ah, waxaana uu garsooruhu ku tilmaamey inuu karti u leeyahay inuu la qabsado kuna noolaado xaaladda halista ah ee Soomaaliya ka jirta.

Cabdi Maxamed oo ah British asal ahaan ka soo jeeda Soomaaliya ayaa markii ugu dambeysey lagu eedeeyey inuu xabsiga gudihiisa ku weerarey askari ka tirsan ciidanka xabsiga taasi oo keentey in Wasaaradda Arrimaha Gudaha ee dalka Britain ay dalbato in Soomaaliya loo celiyo, waxaase dalabkaas racfaan ka qaatey Cabdi Maxamad waxaana arrinta loo saaray garsoore arrimaha socdaalka qaabilsan kaasi oo xukumey in Soomaaliya loo celiyo.

Garsoore James Simpson, ayaa sidoo kale ku gacanseyrey Mr. Maxamed oo ku doodey inuu yahay British oo uusan xataa haysan Jinsiyadda Soomaalinnimo, oo uusan aqoon Soomaaliya oo uu ka soo tegey isaga oo 4 sano jir ah, waxaana garsooruhu tilmaamey in aqoontiisa luqada Ingiriiska ay u saamaxayso inuu shaqo helo.

Cabdi Maxamed waxaa uu haatan ku jiraa xabsi ay maamusho laanta Socdaalka, waxaana uu sugayaa in la masaafuriyo, iyadoo 3 jeer uu baaqday isku day soomaaliya dib loogu celin lahaa.

Halkan hoose ka akhriso warbixinta oo Af Ingiriis ah.

http://www.independent.co.uk/news/uk/home-news/judge-youre-a-criminal-youll-be-safe-in-somalia-961402.html

webmaster@ceegaag.com