Maamulka Somaliland oo cashuur ka bilaabay Gobolka Sool.

(Laascaanod, October 09,  2008 Ceegaag Online)

Soo gelitaanka maamulka Somaliland ee Gobolka Sool waxba kama bedelin Gobolka, marka loo eego maamulkii iyaga ka horeeyey, Waxaanse layska indho tirikarin inay amnigii iyo nabadgelyada magaaladu is bedeshay, ciidanka Booliska ee gobolka Sool ayaa si fiican u sugay nabadgelyada Gobolka.
 
Ciidankaas oo ka kooban sadex Saldhig oo ah sadexda aag magaaladu ka kooban tahay,waxaa iyana shaqaynayey Maxkamada Gobolka iyo Jeelka.
 
Maamulka cusub wuxuu dib u furay xafiiska Maaliyada  Gobolka oo xidhnayd tan iyo intii maamulkii hore meesha ka baxay,waxayna bilaabeen canshuurtii Gobolka, waxaase laysku afgaranla,yahay canshuurtii Gaadiidka xamuulka ah ee ka imaanayey Gobolada Bariga, sidayna raashinka, Shidaalka, iyo bagaashka.
 
Is afgarad la,aantaas waxaa sababay sida loo maamulay arintaas,oo shaqaalihii canshuurta qaadayey iyo gaadiidleydii si toos ah isu arkeen,waxaase ka habooneyd iyadoo maamulka gobolka iyo odayaal ka kooban beelaha degan gobolka ay arinta ka dhaadhiciyaan Gaadiidleyda.
 
Gaadiidkaasi mudo sadex beri ah ayay la taagan yihiin xamuulkii ay sideen,ilaa iyo hadana cid arintaas isu xilqaamay ama isu taagay majirto.

Xafiiska Wararka Ceegaag.com

Laascaanod.

webmaster@ceegaag.com