Waqtiyadii hore ee lagu noolaa miyiga ama dadku aanay soo gelin magaalooyinka, waxa ugu badan ee la kala dhaco waxuu ahaa Geela, hadase waxa ugu badan ee la kala dhaco waa Baabuurta.
 
Waxaa maanta oo ay taariikhdu tahay 18/10/008 lala kala wareegay Baabuur laga kala lahaa Laascaanood, Garoowe,G/kacyo.
 
Arinta Baabuurtan oo mudo dheer soo taxneyd, kana bilaabantay Gaadhi iyo nimankii watay una dhashay Garoowe oo lagu laayey tuulada Canjiid oo ka tirsan gobolka Sool, kadibna loo qabsaday Gaadhi laga leeyahay Gobolka Sool, kadibna loo qabsaday 2Gaadhi ool aga leeyahay Gobolka Mudug loona aaneeyey reer Garoowe.
 
Dhacdadaasi waxay soo martay marxalado badan iyo kulano oo marar badan ku dhamaaday heshiis la'aan. Kadib wadashaqayn iyo is arag dheer oo dhex maray Odayaasha Beelaha Sool, Mudug iyo Nugaal, waxaa dhibaatadaas lagu soo gabagabeeyey heshiis iyo on Baabuurtii lakala haystay laysu celiyo, waxaana baabuurtaas lagula kala wareegay tuulada Ganbadhe oo ka tirsan Gobolka sool.
 
Gebogabadii waxaa iska caado noqotay hadii qof uu dhirbaaxo qof kale inuu raadsanayo Baabuur ninkii dhirbaaxay reer koodu leeyahay.
 
                        X.WARARKA CEEGAAG
                                      LAASCAANOOD.