Hotel Xamdi Laascaanood oo la Weeraray

(Laascaanood, October 27,  2008 Ceegaag Online)

Hotel Xamdi oo ah hotelka ugu fiican magaalada oo ay had iyo jeer ku degaan dadka VIP ah, sida Hay'addaha iyo madaxda maamulada ayaa xalay 9:00pm lagu tuuray 2xabadood oo qoriga Mootarka ee gacanta lagu qaato ah, xabadahaasi cidna waxba kuma noqon, waxayna ku dhaceen darbiga Hotelka.
 
            Waxaa kale oo iyana la sheegayaa in rasaas lagu riday ciidanka jiida ee maamulka SL.
 
             Qaraxaas ka dhacay Hotelka waxuu sababay inay ka guuraan Hay'adihii iyo madaxdii SL ee halkaa degenaa,oo ay ka mid ahaayeen, Hay'adda UNDP iyo madaxdii Comishanka ama doorashada maamulka SL, waxayna u anbabaxeen magaalada Hargeysa. 
 
           Isla markaa Maamulka SL wuxuu heegan geliyey Ciidamadiisii, Booliska iyo ciidanka meleteriga ee jiida hore ku jira, isla markaana waxay gaafwareegayaan daafaha magaalada.
 
           Rasaastaas lagu riday Hotelka iyo ciidankaba, ilaa hadda cid loo qabtay ama loo hayaa majirto, waxayse maamulka SL wadaan baadhitaan.
 
 
 
                    X.WARARKA CEEGAAGONLINE
 
                         LAASCAANOOD

webmaster@ceegaag.com