Xaalada Guud ee Gobolka Sool

(Laascaanood, October 22,  2008 Ceegaag Online)

Magaalada Laascaanood ee xarunta u ah Gobolka Sool iyo deegaankeeduba waa mid degan, marka loo eego dagaalada iyo nabadgelyo xumida ka jirta dalka.
        
Dadka noloshoodu inta badan waa mid aad u liidata, sababtoo ah waxaa ka jira sicirbarar baahsan oo dad badan noloshooda cidhiidhi geliyey.
 
Waxaa jira dad yar oo kuwa wax haysta ah, isla markaana aan danayneyn dadka danyarta noloshooda, waxaa taa u sii dheer roobabkii dayrta oo aan si fiican u helin Gobolka Sool gaar ahaan magaalada Laascaanood, in kastoo ay jiraan meelo Gobolka ka mida oo ay roobab heleen.
 
Sidaas daraadeed raxmada ilaahay oo ah ta keliya ee dadku u siman yahay, miyi iyo magaalaba waxna ka bedelikarta nolosha dadka.
 
Waxaa kale oo iyana jirta in dadka Gobolka degan ra'yiga ama fekerka aad loogu kala fog yahay xaga maamulada Puntland iyo SomaliLand, kuwaas oo midna laga saaray magaalada waa PL, midna soo galay SL,15/7/007.
 
Sababtoo ah ilaa iyo burburkii Dowladii dhexe ee Soomaaliya Siyaasiyiinta Gobolka Sool iyo Gobolada SSC waxay u kala qaybsanaayeen maamulada PL iyo SL, qaarba qaarka kale ayay eedeeyaan kuna sheegaan inaanay wadaniyiin ahayn.
 
Waxaase layaab leh Goboladaa iyaga ah Siyaasiyiintoodii iyo Waxgaradkoodii  oo dhami, waxay u daawanayaan mustaqbal xumida haysata dadkooda iyo dalkooda.
 
 
                        X.WARARKA CEEGAAG ONLINE
 
                                     LAASCAANOOD

webmaster@ceegaag.com