Daalo iyo Jubbo oo fuliyey Amarkii Xoogaga Al-Shabaab iyagoo baajiyey duulimaadyadii maanta ee Muqdisho.

(Muqdisho, Sept 16,  2008 Ceegaag Online)

Wararka naga soo garaya Magaalada Muqdisho ayaa waxa ay sheegayaan in aaney maanta kasoo degin Garoonka Diyaaradaha labo duulimaad oo laga filayey shirkadaha diyaaradaha ee Daallo iyo Jubba.

Baaqashada diyaaradahan ee maanta ayaa waxaa la sheegayaa in ay ka kala imaanayeen Magaalooyinka Nairobi iyo Hargeysa oo ayna kala danbeeyeen hal saac imaatinkooda kaas oo ku aadanaa 1:00 duhurnimo oo ay imaan jirtey Daallo oo dhina Nairobi ka imaan jirey iyo Jubba oo 2:00 Duhurnimo iman jirtay iyadoo markaasna laga filayay dhinaca Magaalada Dubai soona marijirtay Magaalada Hargeysa.

Warkan baaqashada ayaa waxaa uu astaan u yahey sida ay ugu hogaansameen Shirkadaha Diyaaradaha amarkii Xoogaga Al- Shabaab ee ahaa in xiliga maanta wixii ka bilowda aysan imaan Karin wax duulimaad ah Magaalada Muqdisho.

Amuurtaan ayaa waxaa ay caqabad ku noqoneysaa Dowladda Federaalka Soomaaliya oo shaley labo Wasiir oo ka mida ay sheegeen in aysan diyaaradahu u hogaansamin Amarka Xiritaanka Garoonka diyaaradaha balse ay fuliyeen maanta shirkadihii diyaaradaha Amarkii Xoogaga Al shabaab.

www.ceegaag.com

webmaster@ceegaag.com