Dagaal iyo duqeyn Dad rayid ah ay ku dhinteen oo xalay ka dhacdey magaalada Muqdisho.

(Muqdisho  Sept 24,  2008 Ceegaag Online) 

Dagaalka oo ay qaadeen kooxaha ka horjeeda Dowlada KMG ah ayaa bilawday abaaro 10:15PM waxayna Kooxaha dagaalka soo qaaday beegsadeen fariisin ciidamada AMISOM ay ku leeyihiin KM4 iyo garoonka diyaaradaha Muqdisho.

Dadka dhintay ayaa dhamaantood ahaa dad rayid ah,  iyadoo tirada Dhimashada lagu qiyaasay 18 halka 30 kale ay ku dhaawaceen Dagaal iyo duqeyn is daba joog ahaa oo xalay ka dhacay Muqdisho.

Dadkii ku dhaawacmay qaarkood ayaa saaka iyo xalay waxaa la geeyay isbitaalada ku yaala koonfurta magaalada Muqdisho, iyadoo wali ay jiraan dad dhaawacyo qaba oo xaafadaha laga soo saarayo.

Ciidamada AMISOM oo ahaa ciidankii la weeraray ayaa waxa ay ku jawaabeen madaafiic iyo rasaas dhawaqeeda laga maqlayay  xaafadaha dadku degan yahay, waxayna ciidamadani banaanka u soo saareen gaadiidka Gaashaaman iyo hub culus .

Dagaalka ayaa waxa uu qaboobay isla xalay waloow ay mar mar soo dhacayeen madaafiic hoobiyaayaal iyo kuwa ka dhaca Tankiyada kuwaas oo laga soo ridayay xarumaha ciidamada Amisom.

Habeenkii labaad ayuu xalay u ahaa dadka Reer Muqdisho iyadoo firxadka haween caruur gacmaha haya lagu arkayay gudaha xaafadaha qaar.

www.ceegaag.com

webmaster@ceegaag.com