Dekadda Kismaayo oo 3 bilood ka dib ay ku soo xiratey Doon waqtiga badfuranka.

(Kismaayo, Sept 17,  2008 Ceegaag Online)

Waxaa maanta kusoo xiratay 3 Bilood ka dib  Dekadda weyn ee Magaalada Kismaayo Doon siday  alaabooyin kala duwan oo macayshaddu ay u badan yihiin kana soo kicintay dalkaasi Iimaaraadka Carabta.

Dekadda Magaalada Kismaayo oo xirnayd muddo 3 bilood ah marka loo eego in doonyo iyo maarakiib ay ku soo xirnaan ayaa dhinaca kalana waxaa ay arrintaani noqonaysaa doontii koowaad ee ku soo xirata dekaddaasi tan iyo intii ay xoogagga Maxkamadaha  la wareegeen.

Dadweynaha Magaalada Kismaayo oo arrintaan ka hadlay ayaa si aad iyo aad ah u soo dhoweeyeen doontan ku soo xiratay Dekadda Magaaladaasi taas oo ay sheegeen in ay kaalin wayn ku kordhin doonto sidii ay Reer Kismaayo u kala heli lahaayeen shaqooyin iyo macayshadda oo hoos u dhac uu ku yimaadaba.

Dhinaca kalana tilaabadan ayaa guul u ah maamulka dhawaan halkaasi loogaga dhawaaqay iyo xoogaggii Maamulka Kismaayaba kala wareegeen Maleeshiyo Beeleedyadii gacanta ku hayay Magaalada Kismaayo.

www.ceegaag.com

webmaster@ceegaag.com