Cali Axmed Jaamac (Jengali) oo Somalia uga qeybgalidoona Shirka Golaha QM ee manta ka furmey Magaalada New York.

(New York  Sept 23,  2008 Ceegaag Online) 

Waxaa Maanta Magaalada New York ee xarunta Qaramada Midoobay ka furmaya kulan ay ka qeyb galayaan dhammaan dalalka xubnaha ka ah Qaramada Midoobay, kaas oo ay ka qeyb galayaan in ka badan 170 xubnood oo isugu jira Madaxweynayaal iyo Diblomaasiyiin.

Shirkaasi waxaa dhinaca Soomaaliya uga qeyb galaya wafdi uu hoggaaminayo Wasiirka Arrimaha Dibadda iyo Iskaashiga Caalamiga Cali Axmed Jaamac (Jengali) oo matalaya Madaxweynaha Dowladda Federaalka Soomaaliya oo aan isagu u suurto gelin inuu ka qeyb galo kulankaasi.

Cali Axmed Jaamac (jengali) ayaa lagu wadaa inuu kulankaasi ka jeediyo qudbad nuxurkeedu yahay codsi la xiriira sidii ciidamo ka socda Qaramada Midoobay loogu soo dirilahaa dalka Soomaaliya.

Waxaa kulankaasi ay yeelanayaan dalalka xubnaha ka ah Qaramada Midoobay hadal ka jeedin doona ergayga gaarka ah ee xoghayaha guud ee Qaramada Midoobay u qaabilsan Arrimaha Soomaaliya Ahmed Ould Abdallah oo isagu dhex-dhexaadinayay wada hadaladii nabadda ee natiijo la’aan ku dhamaaday ee dalka Jabuuti ku dhex maray Dowladda Federaalka Soomaaliya iyo Mucaaradkeeda.

 www.ceegaag.com

webmaster@ceegaag.com