Madaxweyne Yuusuf oo muddo u qabtay Isticmaalka Baasaboorkii hore Soomaaliya, Fariina udiray Shirkadaha duulimaadka ee dalka

(Muqdisho Sept 20,  2008 Ceegaag Online) 

Madaxweynaha Dowladda Federaalka Soomaaliya C/llaahi Yuusuf Axmed ayaa wareegto uu soo saaray waxaa ayuu ku sheegay inaan la isticmaali Karin Baasaboorkii hore ee dalka laga bilaabo 30 bisha aynu ku jiro ee September wixii markaas ka dambeeyana la isticmaali doono sida uu Madaxweynuhu sheegay Baasaboorka cusub ee E-Passport  loo yaqaano.

Isagoo ka hadlayay arrimaha Baasaboorada ayuu Madaxweynaha Dowladda Federaalka C/llaahi Yuusuf Axmed ayuu sheegay in Hay'adaha ku shaqo leh howlaha socdaalka looga baahan yahay inay u hogaansamaan wareegtada laga bilaabo 30 bishan ayna bixiyaan adeega baasboorka cusub.

Madaxweyne Yuusuf waxaa uu dhinaca kale ka hadlay xiritaanka Garoonka Muqdisho ay xireen kooxda Al Shabaab isagoo u sheegay Shirkadaha Diyaaradaha ee sida gaarka ah loo leeyahay inay ka soo degaan Garoonka Muqdisho haddii kalena lagala noqon doono waa sida uu yiri warqadda ogolaanshaha ah ee ay haystaan Shirkadaha.

Kooxda Al Shabaab ayaa uga digtay Shirkadaha Diyaaradaha ee Soomaaliya inaysan ka soo degin Garoonka Diyaaradaha ee Magaalada Muqdisho haddii ay baaqooda ka dhago adeegaana  ay mas'uuliyadeeda qaadidoonaan.

Madaxweyne C/llaahi Yuusuf waxaa uu sheegay inaan la aqbali Karin inay meel kale oo dalka soomaaliya ka degaan Shirkadaha Diyaaradaha haddii ay taasi dhacdana tallaabo adag laga qaadi doono.

www.ceegaag.com

webmaster@ceegaag.com