|
Ra'iisal Wasaare Nuur Cadde oo Saxaafadda la hadlay
kadib markii uu ku soo Laabtay Magaalada Muqdisho
(Muqdisho
Sept 25,
2008 Ceegaag Online)
Raiisal
wasaare Nuur Xasan Xuseen iyo wafdi uu hogaminayey ayaa
manta dib ugu soo laabtay Magaalada Muqdisho kadib
markii ay magaalada Jabuuti ee dalka Jabuuti kaga soo
qeyb galeen shirkii dib u heshiisiinta ee Dowladda
Federaalka Soomaaliya iyo isbaheysiga dib u xoreynta
wejigiisa saddexaad oo dhowaan halkaasi lagu soo
gebagebeeyey iyadoo aysan jirin wax natiijo ah oo ka soo
baxay ka dib markii la isku mari waayey qodobada qaar.
Nuur Cadde ayaa si lama filaan ah saaka usoo caga
dhigatay diyaaradii siday garoonka Aadan Cadde ee uu
muran badani ka taagnaa maalmihii ina soo dhaafay taasoo
sababatay in ay ku geeriyoodaan dad badan kuwana uu
dhaawacyo kala duwan ka soo garay halka qaarkoodna ay u
dhinteen madaafic lala maaganaa diyaaradaha ka soo
dagayey iyo kuwo lagu difaacayey kuwaas oo ay
isweydaarsanayeen ciidamada Dowlada iyo oo ay
taageerayaan kuwa AMISOM iyo kooxaha Dowlada ka soo
horjeedo oo ay ugu horeyso kooxda alshabaab oo iyadu
sheegatay mus'uuliyada lagu xiray garoonka diyaradaha
Muqdisho ,
Ra'iisal Wasaare Nuur cadde oo markii uu yimid Muqdisho
ayaa Shir Jaraa'id qabtay oo arimo badan oo quseeyo
dalka gudihisa iyo dibadiisa iyo shirkii Jabuuti
qadobadii lagu gaaray iyo sidoo kale wixii ka soo baxay
safarkiisa ugu dambeeyey wuxuuna salaan u soo gudbiyey
Umada Soomaliyeed, isagoo ALLE u baryey umada
Soomaaliyeed in uu dhibaatada ka saaro sanadkan kiisa
kale na uu ku garsiiyo nabad iyo barwaaqo
Raisal
wasaare Nuur Cadde ayaa sheegay in shirkii jabuuti uu
dhamaaday balse ay jiraan qodobo la isku afgartay iyo
kuwo weli ay wax ka dhiman yihiin wuxuuna sheegay in loo
saaray gudi qiimeeya qodobada la isku mari waayey mudo
15 maalmood ah gudahod wuxuuna hoosta ka xariiqay in bil
ka dib uu shirku dib u furmi dono
Ra'iisal wasaaraha Soomaaliya Nuur Cadde ayaa cadeeyey
in arimo badan isku aragti laga noqday shirkii June
11-dii iyo kii August 19 dii iyada oo la dhaqan galiyey
xabad joojin Dhawaana Ciidamada la kala qaadidoono.
www.ceegaag.com
webmaster@ceegaag.com |
