Muuqaalka Suuqa Bakaaraha oo maanta dad badan ay ku dhinteen kadib duqeyn loo geystay.

(Muqdisho Sept 22,  2008 Ceegaag Online) 

Waxaa isasoo taraya wararka  tilmaamaya cadadka dadkii ku waxyeeloobay madaafiic maanta barqanimadii ku soo dhacay Suuqa weyne ee Bakaaraha iyo qeybo ka mid ah degmooyinka Howlwadaag iyo Wardhiigley ee Magaalada Muqdisho.

Ilaa iyo 30 qof ayaa ayaa la xaqiijiyey in ay ku dhinteen qeybo ka mid ah Suuqa Bakaaraha kuwaas oo isugu jira rag, dumar iyo caruur ,waxaana qasaaraha ugu badan uu ka dhacay qeybta lagu magacaabo C/lla Shideeyaha oo ku taala gudaha Suuqa Bakaaraha ee magaalada Muqdisho halkaas oo madafac ku habsaday.

dhinaca kale Madfac ku soo dhacay Isgoyska Howlwadaag ayaa waxaa ku dhintay labo ruux , Isgoyska Bakaaraha ayaa isugana waxaa la sheegay in gaari Caasi ah oo ay saaraayeen dad rayid ah uu ku dul habsaday madfac,waxaana halkaasi ka dhashay qasaaro dhimasho iyo dhaawac, Madfacaasi ayaa waxaa ku dhintay qod dumar ah, Tan ayaa noqoneysa Dhimashada ugu badan ee ka dhacda Magaalada Muqdisho 12 saacadood gudahood.

Madaafiicda lagu duqeeyay Suuqa Bakaaraha ayaa ka dambeeyay kadib markii Madaafiic lagu weeraray Garoonka Diyaaradaha Muqdisho oo ay soo caga dhigatay Diyaarad kasoo kicitintay Magaalada Gaalkacyo ee Gobolka Mudug.

www.ceegaag.com

webmaster@ceegaag.com