Taliyihii Booliska Puntland Gen. Gaani Max’ud Xaaji oo ay Dabley Hubeysan xalay dhaawaceen.

(Bosaaso, Sept 17,  2008 Ceegaag Online)

Dab hubeysan ayaa xalay ku dhaawacay Gudaha Magaalada Bosaaso Taliyihii ciidamada Booliska ee maamulka Puntland Gen. Gaani Maxamuud Xaaji, Taliyaha ayaa rasaastan la sheegay in ay ka haleeshay Madaxa iyo qaarka sare iyadoo loola cararay  Cisbitaalka Puntland Hospital ee Magaalada Boosaaso,

Xaalada caafimaad ee Taliyaha ayaa haatan laga soo deyrinayaa waxaana la sheegay in Kooxihii falkan geystay gacanta lagu dhigay, Kooxaha falkan geystay ayaa la sheegay in ay doonayeen in ay dilaan Taliyaha balse wuu ka badbaaday, laakiin waxaa soo gaaray dhaawac halis ah inkastoo laga yaabo in lugu sameeyo Qaliin looga saarayo qaar ka mid ah Xabadihii ku dhacay waxana dhacdadan fajaciso ku noqotay  masuuliyiinta Mamul Goboleedka Puntland.

Kooxaha falkan geystay ayaan la aqoon ujeedada ay ka lahaayeen iyo dhaawaciisa waxa uu la xariiro balsa waxaa loo maleenayaa in ay qeyb ka tahay Dilal qorsheysan oo ka dhaceyey Mudooyinkii ugu dambeeyey gudaha dalka Soomaaliya Taliyaha ayaa hayay  mudo gaaban kadib markii laga qaaday Taliyihii hore C/casiis Saciid Gacameey.

Si kaste ha ahaatee Waa falkii ugu horeeyay ee lala eegto Masuul ka tirsan Haya,ddaha amniga kaas oo ka dhacay gudaha Magaalada Xarunta u ah ganacsiga Puntland ee Bosaaso.

www.ceegaag.com

webmaster@ceegaag.com