Amaanka magaalada Kismaayo oo gacan bira lagu qabtay

(Kismaayo, Sept 16,  2008 Ceegaag Online)

Mar aanu saaka kula xiriirnay dad rayid ah oo deganaa kismaayo ka hor iyo ka gadaalba ilaa intii ay dhacday dawladii dhexe ee soomaaliya ayaa noo sheegay inay Magaaladu aad u nabdoon tahay.

Waxaa kale oo ay noo sheegeen in ay soo noqotay cabsidii laga baqayay sharciga, taasoo soo dadajisay inay magaaladu aad u xasisho habeen iyo maalinba.

Waxaanu kaloo waydiinay xaga dhaqaalaha iyo cadaalada ay shacabka kismaanyo ku qabaan xoogagan haatan gacanta ku haya magaalada, waxayna noo sheegeen inaanay haatan u baahnayn wax kale balse doonayaan haykal maamul oo dadku ku nabad galaan.

waxaa kale oo aanu waydiinay waxa ay ka qabaan in laga yaabo in weerar uga yimaado xoogagii laga cayriyay magaalada, waxayna noo sheegeen xoogagaa lagamayaabo inay soo noqdaan, balse waa ay joogaan dadka reer gadood magaalada waxayna ka mid yihiin xoogagan haatan gacanta ku dhigay Kismaanyo.

iyagoo noo sii raaciyay mabdi ii tuugaysiga iyo kooxaysiga inay ka doorbidayaan kan Islaamiga ah oo run ahaantii cabsi badan galiyay burcadii gaalaa wareegi jirtay magaalada iyo daafaheedaba.

Waxaanu ilaahay ugu mahad celinanaa amaankan iyo xasiloonidan uu noogu deeqay kismaanyana waligeed waxa uun lahaandoona cidii daneenasa ee deegaansaneesanasa ayuu ku soo gaba gabeeyay muwaadinkaa reer kismaayood.

www.ceegaag.com

webmaster@ceegaag.com