Dawladda Uganda oo sheegtay inay dalka Somalia u soo dirayso ciidamo baddela kuwa haatan ku sugan Somalia.

(Kampala, Sept 15,  2008 Ceegaag Online)

Dawladda Uganda ayaa waxay sheegtay in ay tababar u soo xirtay labo batalyan oo ciidamo ah kuwaasoo beddeli doona ciidamada haatan kaga sugan dalka Soomaaliya.

Afhayeenka ciidamada miltiariga dalka Uganda Major Paddy Akunda ayaa sheegay in ciidamadaasi ay dalka Soomaaliya soo gaari doonaan horraanta bisha November kuwaasoo iyagana joogi doona dalka Soomaaliya inta ay Qaramada Midoobay kala wareegayso hawlaha nabad ilaalinta ee dalka Soomaaliya.

Ciidamadan ayaa waxay soo qaateen tababarro la xiriria dhaqanka iyo luuqadda af Soomaaliga, anshaxa iyo waxyaabo kale, waxayna iminka diyaar u yihiin inay Soomaaliya gaar ahaan magaalada Muqdisho ka hawl galaan.

Dalka Uganda ayaa waxaa dalka Soomaaliya ka jooga 1,600 askari kuwaas oo dalka Soomaaliya soo gaaray horaantii sanadka 2007, waxaana qorshuhu ahaa in ay ka howlgalaan dalka Soomaaliya muddo lix bilood ah, balse taasi suurto gal ayay noqon wayday waxa ay hadda ku sugan yihiin dalka Soomaaliya ku dhawaad labo sanadood.

www.ceegaag.com 

webmaster@ceegaag.com