Koonfur Afrika oo noqotey Hoygii geerida Ganacsatada Soomaaliyeed !

(Port Elizabeth, Sept 08,  2008 Ceegaag Online)

Muwaadhin Soomaaliyeed ayaa lagu la’yahay badda Cape Town, halka labbo kale ay u geeriyoodeen siyaabo kala duwan, midkood ayaa lagu diley Magaalada Port Elisabeth, halka midka kalana uu u dhintey dhaawacyo kasoo gaaray tacshiirad doraad lagu dilay labbo kale oo Soomaaali ah.

Sida ay sheegeen kooxaha badbaadinta dadka badda ku harqada, waxaa maalintii labaad la la’yahay muwaadhin Soomaaliyeed oo ku jirrey xerro qaxooti oo ku taala duleedka Cape Town halkaas oo ay ku jiraan boqolaal Soomaali ah oo dalkani ku barro kacay, waxaa la sheegey in ninkani uu galay badda, balse la waayay markii dambe, kooxaha badbaada ayaa maalintii labbaad raadinaya ninkani oo aanan magaciisa la shaacin.

Dhanka kale xalay waxaa magaalada Port Elizabeth lagu dilley muwaadhin Soomaaliyeed oo ku sugnaa goobtiisa ganacsiga, iyadoo rag hubeysan ay tacshiirad huwiyeen xilli habeen ah dukaanka uu ninkani ka ganacsananayay oo ku yaalay meel tuulo ah, ninkani magaciisa waxaa lagu soo koobay Abuukar C/llaahi.

Dhimashada Abuukar C/laahi ayaa noqoneysa qofkii 6-aad oo ku geeriyooda Wadankan Koonfur Afrika  sidii ay u bilaabatay Bisha Barakeysan ee Ramadan .

Dhimashadani ugu dambeysey tirada waxay ka dhigeysaa 13  Soomaalida lagu diley Koonfur Afrika illaa bishii June ee sanadkan.

Cabdinaasir Saxansoxo.

saxansoxo1@hotmail.com

webmaster@ceegaag.com