|
Qarax weyn ayaa
xalay Gilgilay Suuqa weyn ee Markato ee Magaalada Addis
Ababa.
(Addis Ababa,
Sept 04,
2008 Ceegaag Online)
Qarax weyn
ayaa xalay ka dhacay magaalada Addis ababa ee dalka Itoobiya,
Qaraxan xoogan oo ka dhacay Suuqa ugu weyn dalka Ethiopia oo
loo yaqaano Markaato ayaa sababay dhimashada 4 Ruux
halka tiro kalena ay
ku dhaawacmeen.
Qaraxan
oon la ogeyn cida ka dambeysa ayaa waxa uu ka dhacay meel
Shaneemo yar oo lagy daawado Filamada una dhaw meelaha ay
dadku aadka ugu badan yihiin, hase ahaatee Taliyaha
ciidamada Booliska Dowladda Federaalka Ethiopia Tesfaye
Meresa ayaa sheegay in ay wadaan baaritaano, iyagoo
Dowladdu si gaar ah ugu eedeysay Ururka OLF (Oromo
Liberation Front).
Tesfaye Meresa wuxuu kaloo intaa raaciyay in dadkii
ku dhaawacmay qaraxaasi la dhigay Cisbitaalka Black Lion (Duqur
Ambasa) ee Magaalada Addis Ababa kuwaasi oo xaaladooda caafimaad
lagula tacaalayo, waxaana dadkaasi badankooda ay yihiin kuwo
xaaladooda ay liidato.
Magaalada Addis Ababa ee Xarunta Dalka Ethiopia ayaa horay
qaraxyo kala duwan ugu dhacay iyadoo Xukuumadda Addis
Ababa ay ku eedeysay Dowladda Shacbiyaa (Eritrea) oo
Ethiopia ay ka dhaxeeyso
khilaaf dhinaca soohdinta ah iyadoo Eritrea ya taageero
Dhaqaale iyo Mid Mileteri ba ay siiso Jabhadaha Dagaalka kula
jira Dowladda Ethiopia sida OLF ONEK iyo ONLF.
www.ceegaag.com
webmaster@ceegaag.com |
