Taageeridii Dowlad Goboleedka: Northland State of Somalia (Daawo Sawiradda).

(Columbus Ohio, Sept  02,  2008 Ceegaag Online)

Xaflad si qurux badan loo soo agaaasimay ayaa ka dhacday gobolka Ohio, magaalada Columbus, halkaas oo ay isugu yimaadeen Soomaalida ka soo jeeda degaamada SOOL, SANAAG, iyo CAYN. Xafladaas oo ay ka soo qayb galaeen aqoonyahano, isimo dhaqameedyo, haween, culimo, arday, fanaaniin, abwaano, iyo dadweyne farabadan oo ka kala yimid gobolada Maraykanka sida: Illinois, Minnesota, California, iyo Boston Massachusetts.

Shirkan ayaa ku saabsanaa in lagu taageero fikir ay soo dhirindhiriyeen aqoonyahano ka soo jeeda degaamada SOOL, SANAAG, iyo CAYN. fikirkaas oo ahaa in la dhiso dowlad goboleed la magac baxday Northland State of Somalia, maamulkaas oo hoos imaan doona Dowlada Federaalka Soomaaliya, kana soo horjeeda in wadanka Soomaaliya la kala gooyo, aamisana in midnimada umada Soomaaliyeed  ay tahay muqadas.

Sida uu dhigayo axdiga ama tasduurka Dowlada Federaalka in labo gobol iyo wixii ka badan ay samaysan karaan maamul goboleed ay isku waafaqsan yihiin. Haddaba aqoonyahanadu, iyagoo ka faa’ideysanaya fursadan qaaliga ah ee ay siisay Dowlada Federaalka gobolada wadanka Soomaliya, ayay waxa ay soo diyaariyeen maamul cusub oo la magac baxay Northland State of Somalia, kana kooban sedex gobol hadeer, laakiin mustaqbalka uu ka badan doono: SOOL, SANAAG, iyo CAYN.

Aqoonyahanadan oo ka kala yimid Magaalooyinka Chicago iyo Minneapolis, ayaa waxa ay soo bandhigeen barnaamijkii oo dhamaystiran iyo sidii caalamka loogu soo bandhigi lahaa, dhamaan dadkii halkaas isugu yimid ayaa soo dhaweeyey kuna balan qaaday in ay taageero buuxda ku garab istaagayaan. Sidoo kale aqoonyahanadan ayaa ku wareegi doona gobalada Maraynkanka iyo Kanada intii aysan tagen wadankii Soomaliya gudihiisa.

Halkan ka Daawo Sawiraddii Shirka oo dhan: 

http://www.insideminnesota.org/images.html

Abdimalik Askar
aabdimalik@hotmail.com

webmaster@ceegaag.com