Shir wacyi
galin ah oo laamaha Dawlada Dhexe (FBI, CIA iyo
Xeerilaaliyaha Gabalka Massachusetts) ugu qabteen
Jaaliyada Soomaalida Boston Masjid-Jaamaca magaalada.
(Boston.
April 19, 2009 Ceegaag Online)
Waxaa shalay galabnimadii Sabtida shir
aad u balaadhan ugu qabtay Jaaliyada Soomaalida
Masjid-Jaamaca magaalada Boston Haayadaha nabadgalyada ee
dawlada dhexe ee dalkan Mareekanka.
Shirkan oo ay soo abaabuleen
Aqoonyahadada Jaaliyada Soomaalida ee uu madaxda u yahay
Pro. Xuseen Dayib. ayaa ahaa mid aad looga baaraan
degay.
Shirkan ayaa daba socday shirar taxane ahaa oo
Haayadaha nabadalyada iyo Jaaliyada Soomaalida u dhexeeyay
ilaa iyo intii sida arxandarada ah weerarada is
miidaaminta loola beegsaday Caasimada labaad ee Soomaaliya
Hargaysa.
Ugu horeentii waxaa shirka ka hadlay
Warren T Bamford oo isagu ah madaxa laanta FBI da
Boston isga oo shaqada laantan bilaabay Feb 05, 2007.
Waxauu aad uga hadlay shaqada ay FBI du qabato iyo sida ay
u doonayaan in ay wada shaqayn fiican yeeshaan FBI da iyo
Jaaliyada Soomaalida oo hada fari ku godontahay.
Ninkan oo hore u hogaamin jiray qaybta
ladagaalanka argagixisada ee magaalada Los Angeles wixii
ka horeeyay March 2006 ayaa ku nuux nuuxsaday in loo
baahan yahay in Jaaliyada Soomaalidu xidhiidh wanaagsan la
samaystaan laamaha amaanka, waayo waxaa hada taagan dhacdo
aan dalka horay u soo marin khalkhalna galinasa amaanka
shacabka siiba kan Jaaliyada Soomaalida oo ay dhicikarto in
loogaysto falal lidi ku ah qawaaniinta dalka lagu dhaqo.
Warren ayaa ka codsaday Jaaliyada inay
ka feejignaadaan kuwa qaswadayaalka ah ee dhib u jooga ah,
ku waa soo waasidauu hadalka u dhigay e dhamaanteen ina
khatalaya.
Inataa ka dib waxaa madasha shirka la
wareegay Michel Sullivan oo ah xeer ilaaliyaha dawlada
dhexe gobolka Massachusetts. Isaga oo sharaxaad ka bixiyay
sida uu u shaqeeyo xafiiska xeer ilaaliyaha ee uu madaxda
ka yahay, islamarkaana ay jiraan ilaa 93 sagaashan iyo
sadex xeer ilaaliye dawlad dhexaad oo isga la mid ah iyaga
oo dhamaan tood ilaalinaya inaan lagu tuman qawaaniinta
dawlada dhexe ee mareekanka.
Waxaa hadaladiisii ka mid ahaa
-
Waxaanu nahay dawladiinii idinka ayaanu
idiin shaqeenaa waxaana idinka doonanaa inaad nala
shaqaysaan.
-
Waxaanu halkan u joognaa inaanu ka
hortagno in dhaliyarada Jaaliyada Soomaalida in la
duufsado oo ay ku biiraan kooxaha argagixisada ah ee is
qarxiya.
-
Waxaa kale oo aanu idiinku nimid inaan
idin ogaysiino hadii laydin cunsiradeeyo inaanu
garabkiina taaganahay.
-
Waxaanu idiinku nimid inaan idin waydiino waxa aad
tabanasaan
Intaa kadib ayaa Jaaliyada loo sheegay in Xeer ilaaliyohu
shaqada ugu eegtahay maalinta barito ah taasoo jaaliyadu
aad uga xumaatay.
 
Waxaa madasha shirka lagu soo dhaweeyay Saara Casiis
oo ah Haweenay asal ahaan u dhalatay dalka Masaarida.
Haweenaydan oo ah qareen ayaa waxa ay u shaqaysaa
haayada DHS oo ay haatan hoos yimaadaan Hayaadaha FIMA(oo
ah hayda Gargaarka Aafooyinka), CIA (oo ah Haayda
sirdoonka iyo ilaalinta madaxda Qaranka), iyo Ciidamada
ilaalada Xuduudaha bada iyo Bariga.
Waxa ay isla markiiba ka afeefatay su'aalaha malaa badanaa
la waydiiyo oo ah dadka codsiyada wadaninimada mareekanka
dalbaday ee ay ka raagaan inaysan ahayn inay dad muslim ah
ay yihiin balse la kordhiyay lacagaha sinjiyada mareekanka
lagu xaraysto, iyo waliba in dad badanay doonayeen inay u
codeeyaan madaxwayne Obama markii uu u tartamayay jagada
madax waynenimada ee uu uu hada haysto.
 
Saara ayaa sheegtay inaan cidna loo caansiirinayn cida ay
tahay cidii sidaa aragtaana ay mudan tahay inay sida ugu
dhaqsaha badan ula soo xidhiidhaan xafiiskeeda. Waxa ay
Saara carabka ku adkaysay in xitaa hadii uu arday
cunsirinimo ka dareemo Iskuulka uu dhiganayo inay lasoo
xidhiidhaan ama haayadaha kale ee wadaniga ah.
Dadka habeenkii lagu soo guureeyo ama shaqada lagu
raqabadeeyo xuquuq ayay u leeyihiin hadii ay rabaan
inaysan la hadlin hadba cida Su'aalasa. Balse su'aasha
ayaa loo baahan yahay inay tahay mid aan markaa ahayn
xaalad degdeg ah oo laga yaabo hadii aanad ka hadlin in ay
waxyeeladeedu dib adiga kuugu soo noqota adiga oo xitaa
taaa ka aamusi kara.
Isku soo wada duub duub oo dadwaynihii ayaa salaadii
makhrib usoo gashay iyaga oo aan ka bogan Su'aalaha ay
qabeen, iyo inay hayadahan amaanka tusaan inay yihiin
muwaadiniin dalkoodan cusub Jecel, diyaarna u yihiin ka
difaacidiisa cadowga gudaha iyo kan dibadaba, daneenaya
nabadgalyadiisa, doonayana inay Hangool isga qabtaan cid
alaaliyo cidii wax u dhimasa amaanka wadanka Guud ahaan
iyo gaar ahaan Gobolkan Massachusetts.
www.ceegaag.com
webmaster@ceegaag.com
|
