Cumar Xaashi
Cumar Xaashi Aadan wasiirka Amniga Qaranka Dawladda
kmga ah ee soomaliya oo maanta Saxaafadda ugu Waramayay
Magaaladda Muqdisho ayaa Sheegay in Kooxaha Hubaysan ee
qoriga wata ay dhigaan hubkooda isla markaana ay soo
galaan wada hadal iyo Wadaxaajoodyo Nabadeed.
Cumar xaashi aadan Wasiirka Amniga Qaranka dawladda
soomaliya waxaa uu tibaaxay in haddii ay yihin
Masuuliyiinta Dawladda inay mudoo badan ku baaqayeen in
qoriga layska Dhigo isla markaana Nabada iyo Wanaaga laga
Shaqeeyo isagoo sheegay in bulshadda soomaliyed iyo
waxgaradka ay xitaa ku baaqeen in nabadda laga shaqeeyo.
"Wada hadal waxaa ka horeeya Xabad joojin mar hadii ay
xiisadi aloolsantahay, marka hore aan wada hadalnee Xabada
Jooji, Inbadan ayaan ku baaqnay isuna taagnay Nabadeyn
balse waa loo dhega nuglaan wayay Hadana waan ku
celinaynaa" sidaasi waxaa ku dhawaaqay Wasiirka Amniga
dowlada Soomaaliya Cumar Xaahi Aadan .
Dhanka kale wasiirka Wasaarada Amniga Dowlada
Soomaaliya Cumar Xaashi ayaa waxaa uu shaaca ka qaaday ka
hor inta aan la dilin Xubin ka mid ahaa Baarlamanka oo
lagu magacaabi jiray C/laahi Abti Doon ay soo gaartay
Warbixin sheegeysa in 90dhalinyaro ah oo ku hubeysan
Bastoolado kuwaas oo ka kala yimi qeybo ka mid ah Gobolada
Soomaaliya ay soo gaareen Caasimada Dalka ee Muqdisho.
Wasiirka Amniga Ayaa sheegay in 90kaasi dhalinyarada ah
ay ka kala yimaadeen Joobooyinka, Baay, iyo Bakool iyo
qeybo kale oo ka tirsan Gobolada koonfurta Soomaaliya
isagoo sheegay in loo soo diray inay dil u gaystaan
Masuliyiinta Xukumadda Soomaliya.
Isku
soo wada duubo waxaa magaaladda ka aloosna maalmihii ugu
dambeeyay khilaafyo iyo in saxaafadda layska weraro
iyadoo ay ka dhacayeen dilal qorshaysan oo loo
gaysanayay Masuliyinta Dawladda Soomaliya.
Cabdirashiid Maxamed Daahir
