Nin ka mid ah Ciidamada Maraykanka ee ku sugan Dalka
Ciraaq ayaa lagu helay danbi ah in uu Gacantiisa ku dilay
afar Maxbuus oo Ciraaq ah, dilkaasna waxa uu gaystay 2007.
‘‘Waxaa la xukumi doonaa maanta galinka danbe, waxaana
lagu wadaa in lagu Xukumi doono Xabsi Daa’in ah.’’ Sidaas
waxaa sheegay mid ka mid ah Masuulada ku sugan Maxakamada
Milatari ee halkaasi ku taala.
Saraakiil Sideed ah oo maraykan ah iyo qeyb ka mid ah
laanta NCOs ee Arimaha Daba galka Tacadiyada ayaa sheegay
in ay ka gaareen Go’aanka ka dhanka ah sarkaalkan Sgt John
Hatley oo sugan Maxakamada Ciidmada Maraykanka ee
Saldhigeedu yahay Konfurta Dalka
Germany.
Labo ayaa qirtay halka kuwa kalena lagu helay Dambiyo
yar-yar Ninkan ay haatan Maxakamadu xukunkiisa la filayo
in ay soo dada jiso iyadoo uu ku eedaysanyahay ninkani
inuu rasaas ku furay dad ciraqi ah halka kuwa kalena uu
gabood fallo dil ah u gaystay.
Hatley, ayaa isagu beeniyay eedaymahan kuna sheegay in uu
kiiska laga hor aqriyay Xarunta Maxakamadaynta Ciidamada
Maraykanka ee Rose Barracks oo ku taala Konfurta Dalka
Germany mid aan sal iyo raadtoona lahayn.
Ciidamadii uu hogaaminayay sarkaalkani ayaa waxa uu
saldhigoodu ahaa Xarunta Boostad ee Galbeedka Rashid, kaas
oo ahayd 2007 meesha kaliya ee kaabiga ku haysa Magaalada
Baghdad ee ugu weerarada badanayd xilagaas.
Cabdirashid Maxamed Daahir.
