Inta Baddan
Dalka Soomaliya oo laga Taageeray Ansixintii Baarlamaanka
Soomaliya ee Shareecadda Islaanka.
(Soomaaliya,
April 19, 2009 Ceegaag Online)
Iyadoo Maalintii Shalay ahayd ay Baarlamaanka soomaaliya
ansixiyeen ku dhaqanka shareecadda islaanka ee dalka
soomaliya ayaa waxaa si aada usoo dhaweyay Dhamaan shacabka
soomaliyed iyadoo shirar iyo Dibadbaxyo lagu taageerayo Ku
dhaqanka Shareecadda Islaanka ay ka dhaceen Inta Badan Dalka
Soomaliya.
Dibadbaxyo lagu taageerayo go’aankii baarlmaanka ee ku
dhaqanka Shareecada islaamka ayaa maanta ka dhacay Muqdisho
waxaana ka qaybgalay Isku soo baxani boqolaal dadweyna ah oo
isugu jira qeybaha kala duwan ee
bulshadan,wasiiro,xildhibaano iyo masuuliyiinta maamulka
gobolka Banaadir oo iyagu soo agaasimay banaanbanxani.
Shiikh C/raxmaan Janaqoow oo ah Wasiirka Cadaalada iyo
Garsoorka dowlada kmg ayaa sheegay in cidii ka soo hor
jeesata go’aankii shalay ay mudanayaasha Baarlamaanka ku
gaareen in dalka lagu dhaqo shareecada islaamka ay tahay in
la iska qabto.
Wasiirka arimaha gudaha dowlada kmg Shiikh C/qaadi Cali
Cumar oo isna la hadlayay dadkii isku soo baxay
maanta ayaa ugu baaqay culumaa’udiinka,odayaasha dhaqanka
iyo waxgaradka Soomaaliyeed in ay adkeeyaan oo ay ku
dhiiragaliyaan bulshada qaadashada ku dhaqanka shareecada
islaamka.
Sidoo kale Qaar ka tirsan Odayaal Dhaqameedyadda Dalka
soomaliya oo warsaxafadeedyo soo saaray ayaa Gudoomiyaha
golaha dhaqanka beelaha Hawiye Max’ed Xasan Xaad oo maanta
warbaahinta u aqrinayay warsaxaafadeed ay soo saareen ayaa
sheegay in ay si weyn u soo dhaweynayaan go’aanka ay
mudanayasha Baarlamaanka ku gaareen in dalka lagu dhaqo
diinta islaamka.
Afhayeenka Golaha Beelaha Soomaaliyeed Siciid Aadan Mire
oo maanta isna saxaafada u aqrinayay warsaxaafadeed ay ku
mideysnaayeen beelaha Jareerweyne,Dir,Daarood,Banadir iyo
Digil iyo Mirifle ayaa sheegay in ay soo dhaweynayaan
go’aankii mudanayaasha baarlamaanka ay ku gaareen ku
dhaqanka shareecada islaamka.
Cabdirashid Maxamed Daahir
www.ceegaag.com
webmaster@ceegaag.com |
