Madaxweynaha Somalia oo Ka
Hadlay Ka Bixitaanka Ciidamadda Amison ee Dalka Somalia
iyo Maraakiibta Shisheeye ee ku Sugan Xeebaha Somalia.
(Khartuum, Suudaan.
April 28, 2009 Ceegaag Online
Sheekh Shariif Sheekh Axmad
Madaxweynaha Soomaaliya iyo Wafdigii uu hogaaminaayay oo
haatan ku sugan Magaalada Khartoum ee Dalka Suudaan ayaa
sheegay in Ciidamada AMISOM aysan ka baxayn dalka Soomaaliya
ilaa laga dhamaystirayo arrimaha Dib u heshiisiinta
Soomaaliya.
Waraysi uu Madaxweyne Shariif siiyay TV-ga Niil ee dalka
Masar ayaa waxa uu cadeeyay inaysan Suurtagal ahayn xiligaan
in ay dalka ka baxaan Ciidamada AMISOM, wuxuuna shuruud ku
xiray bixitaankooda, wuxuuna sheegay in iyadoo la
dhamaystirin Dib u heshiisiinta aysan suurtagal ahayn inay
baxaan Ciidamada Midowga Afrika ee jooga Soomaaliya.
"Hadii ay Ciidamada AMISOM ka baxaan dalka, iyadoon dib u
heshiisiinta dalka wax laga qaban, waxay taasi la mid tahay
in dib loogu laabto Fowdadii ka taagnayd Magaalada Muqdisho"
ayuu yiri Madaxweyne Shariif oo sheegay in dowladda Eritrea
iyo Itoobiya uu kala hadlay sidii ay uga shaqeyn lahaayeen
Nabadda Soomaaliyeed, islamarkaana faragelin aysan ku
samaynin arrimaha gudaha dalka Soomaaliya.
Sidoo kale madaxweyne Sheekh Shariif waxa uu sheegay in
Beesha caalamka looga baahan yahay si loo xaliyo Mushkalida
Soomaaliya inay gacan siiyaan Dowladda Soomaaliya, si buu
yiri ay cagaheeda isugu taagto, wuxuuna u soojeediyay Beesha
Caalamka inay ku dadaalaan sidii Ciidamadii Soomaaliya dib
loogu dhisi lahaa.
"Maraakiibta Shisheeye ee soo galaaya xeebaha Soomaaliya, ma
soo kordhinaayaan wax aan dhib ahayn, waxaana taasi ka
wanaagsan in Soomaaliya laga taageero dhismaha Ciidamadeeda"
ayuu yiri Madaxweyne Sheekh Shariif oo haatan jooga Dalka
Suudaan.
Madaxweynaha Soomaaliya waxa uu sheegay in Soomaaliya hadii
ay hesho wax ka taakuleeya dhismaha ciidamadeeda ay meesha
ka baxayaan kooxaha Burcad badeeda ah, islamarkaana waxa uu
sheegay inaan loo baahnayn Ciidamada Shisheeye ee ku sugan
Badda Soomaaliya.
Isku soo wadda duubo Marka la eego Xaaladda
siyaasadeed ee somalia ayaa kooxaha ka soo horjeeda Dawladda
Somalia waxay ku andacoonayaan in Ciidamadda Amison laga
saaro Dalka somalia.
Cabdirashid Maxamed Daahir
www.ceegaag.com
webmaster@ceegaag.com |
