Ciidanka Maamulka la magac baxay Somaliland gaar ahaan
kuwa Bilayska ayaa maanta ka qabtay Hotel Empiriel ee
magaaladda Hargaysa Suldaan Saleebaan Suldaan Boqor
Cismaan waxaana ay wararku intaasi ku darayaan in
Suldaanka Ay Jir dil ugaysteen Ciidankii Gacanta ku soo
dhigay.
Lama garanayo sababta keentay xariga loo gaystay Suldaan
Saleebaan Boqor Cismaan iyo cidda amartay ee ka dambaysa
xarigiisa , balse waxa la tuhunsan yahay in loo haysto
Suldaanka Hadalo uu shalay ka jeediyay isu soo baxa ka
dhacay Xarunta Xisbiga Kulmiye ee hargaysa waxaana la
sheegay inuu suldaanku Adeegsaday Hadalo Kul-Kulul oo uu
jeediyay Maamulka Taladda haya ee Riyaale.
.
Khudbadii Shalay ee Suldaanka Maanta Xabsiga la dhigay
ayaa uu si wayn ugu Duray Wasiirka Hawlaha Guud ee
somaliland iyo Waliba arrimo Kale isaga oo yiri"Ragga
xukuumadda ku jira waxa ay caadaysteen wax aad u fool xun,
Waxa ay xoqayaan, boogihii iyo nabaraddii aynu soo marnay
ee Somaliland qof mahadiyay aanu jirin, kuwa xoqayana
waxaa ka mid ah nin aan u bixiyay Wasiirka cayda guud oo
la odhan jiray wasiirka hawlaha guud,Waxaan leeyahay
waxaad rabtaan in aad dalka gelisaan dagaal siyaasi ah oo
aanay bulshada Somaliland doonayn, Waxaan leeyahay
Somaliland mar baad garoon geliseene, maantana garoon
siyaasiya Cawil iyo Ina Sulub iyo kuwa noocaas ahi ma
gelin karaan. Waliba adiga Siciid Suluboow waxaad ahayd
maalintii Hargaysa laga baxay ee aanu ku dagaalamaynay
halkaa, Inan Nuux Ismaaciil ayaa qabtay oo nabad baad ku
joogtay Hargaysa, markaa reerihii aad maganta u ahayd ee
aad la joogtay haddaad maantana tidhaahdo waa lay dilay oo
aad laabta garaacdo, waxaanu ku leenahay Adeer anagu’aanu
laabta garaacno ee adigu nalama aad joogine ha garaacin.
Ciilna kuma qabno, cadhana kuma qabno.
Dhanka kale Suldaanka Maanta la xiray ayaa Eedayay
Warbaahinta Qaar gaar ahaan Telvisionka Qaranka Somaliland
isagoo sheegay inuu yahay Isna Telvisionka Qaribka oo
kicinta Shacabka iyo hadaladda Jigraarka ah adeegsada.
Isku
soo Wadda duboo waxaa Maamulka La magac baxay somaliland
beryihii ugu Dambeeyay Soo Ifbaxayay Arrimo la xariira
Muranka Xisbiyadda Maamulkaasi ka jira iyo Eedaymo
Saxaafadda layska Weerarayay.
Cabdirashiid Maxamed Daahir
