|
Cuduro faro ba'an ku haya
Xoolo dhaqatadda Soomalida.
(Somalia,
August 09, 2009 Ceegaag Online)
Iyadoo ay
abaaro ba'an iyo biyo la'aan baahsan ka jirto Badi Goboladda
Somalia ayaa hadana waxaa sii kordhaya Tiradda xoolaha Nool
ee u dhimanaya Cuduro aan la aqoonin xoolaha ayaa waxaa la
so gudboonaday Abaar aad u daran wakhtigan lagu jiro iyadoo
wakhtigani yahay wakhti Roobki Gu'ga uu noqday mid yaraaday
halka Abaartiina dib usoo laba kaclaysay waxaana loo
aaneynayaa Cuduradda cusub ee xoolaha hadda ku yimi inay la
xiriirto Abaarta iyo Biyo la'aanta ka jirta Badi Goboladda
Somalia.
Qaar ka mida
Goboladda Dhexe iyo Koonfurta Somalia ayaa waxaa laga soo
sheegaya in xoolaha nool ee isugu jira Riyaha iyo Idaha lagu
arkay cuduro aan la aqoon kuwaasi oo xoolaha qaar u dhinteen
waxaana cuduradani ay yihiin kuwo dadka reer guuraga anaay
aqoon durugsan u lahayn Tuulooyinka iyo Dhulalka Miyiga ee
hoosyimaada Degmadda Dhuusa mareeb ee Bartamaha Somalia ayaa
laga soo sheegaya in xoolaha isugu jira Riyaha iyo Idaha ee
deegaanadasi ku dhaqani la soo gudboonaden cuduro aan la
garanayn kuwaasi oo dadka reer guuraagu cabashoyin ka
muujinayan.
Sidoo kale
Degmooyika Ufuroow iyo Qansax Dheere ee gobolka Bay waxaa ay
ka mid yihiin goobaha inta badan ay deegaansanayaan xoolo
dhaqatada,waxaana haatan laga soo sheegayaa in xoolihii
halkaasi ku noolaa uu haleelay cudur aan la aqoon,waxaana
xoolo dhaqatada deegaankaasi sheegeen in maalintiiba
degmooyionka Qansax dheere iyo Ufuroow ay Cuduro aan la
aqoon ugu geeriyoodaan ku dhawaad 20-neef.
Sidoo kale
Qaar ka mida Goboladda Puntland ayaa waxaa ka jira cuduro
fara ba'an ku haya Xoolo dhaqatadda reer Guuraaga ah Sida uu
ii sheegay Gudoomiyaha Degmadda Xingalool ee Gobolka Sanaag
Xoolo dhaqatadda Gobolka sanaag ayaa iyana waxaa xoolohoda
la soo gudboonaday Cuduro ay ka mid yihiin,Furuqa,Ulsidka
iyo Cadhada oo buu yiri xoolaha qaar kood u dhinteen waxaana
uu intaasi ku daray inuu baaq u jeedinayo Wasaaradda
Xanaanadda xoolaha iyo ha'adaha Daryeelka xoolaha ee ka
hawlgala Goboladda Puntland inay Baaritaano caafimaad ka
sameyan Xoolaha ay cuduradani la soo gudboonaden iyadoo
sidoo kale Cuduradani lagu sheegay xoolo dhaqatadda Gobolo
ka mida Puntland.
Isku
soo wadda duubo Dadkii reer guuraaga ahaa ee ku dhaqnaa
dhulalka miyiga ah ayaa waxaa ay isugu so guureen xoogagi
Roobka ahaa ee ka da'ay dhulka waxaana ay kaliftay in Baadki
iyo biyihi Guraan taasina ay horseedo cuduro ku yimaadda
xoolaha nool waxana dadka xoolo dhaqatadda ah u aanaynayaan
in cuduradani ay keentay Abaarta daba dheeratay ee la soo
gudboonatay Dadka reer guraaga ah .
www.ceegaag.com
webmaster@ceegaag.com |
