|
Dawladda Faransiiska oo
qoraal ka soo saartay siidaynta shaqaale u shaqaynayay
Hay'add samafal.
(Paris,
August 12, 2009 Ceegaag Online)
Dawladda
wadanka faransiiska ayaa war qoraal ah ka soo saartay sii
daynta shaqaale u shaqaynayay ha'add samafal oo aan dawli
ahayn taasi oo qaabilsan la dagaalka Macaluusha waxaana lagu
magacaaba"Action Against Hunger"ACF" Qoraalkani sida tooska
uga soo baxay Madaxtoyadda faransiiska ayaa lagu soo
dhaweeyay sii daynta shaqaalaha samafal waxaana lagu sheegay
qoraalkani in Madaxweyne Nicolo Zarkozy soo dhawaynayo
talaabadda lagu sii daayay shaqaalaha u shaqaynayay
hay'addani oo u kala dhashay wadamadda Faransiiska iyo
Belgium.
Qoraalkani ka
soo baxay xarunta Madaxtooyadda ee paris ayaa lagu sheegay
Bog Internet oo ay leedahay dawladda Faransiiska waxaana
sidoo kale qoraalkani ka soo baxay Dawladda faransiiska lagu
amaanay talaabadda lagu sii daayay shaqaalahan samafal iyo
cidii gacan ka gaysatay sii dayntooda oo muddo 9 bilood ah u
qafaalnaa rag hubaysan oo somali ah.
Shaqaalahani
la sii daayay maalinimadi shalay ahayd ayaa waxay ka
koobnaayen Faransiis,Belgium iyo Kenyan hadaba Dawladda
Belgiumka ayaa sidoo kale ka hadashay sii daynta shaqaalaha
u dhashay Belgium ee la si daayay waxaana warkani isna
shaaciyay wasiirka arrimaha Dibedda ee dalka Belgium Lif
Loterm.
Bayaan ka soo baxay Xafiisa Wasiirkaasi, ayaa lagu sheegay
inay Dowladda Belgium ku faraxday Sii-dayntiisa, lana
rajeynayo inay Labo Dhakhtar ee u dhalatay dalkaasi ee la
sii daayey ay sida ugu dhaqsaha badan ugu soo laaban doonaan
dalkooda hooyo.
Lixdaasi
shaqaale ee la sii daayey oo shalay dib ugu laabtay
caasimadda dalka
Kenya ee Nairobi
ayaa kala ahaa Labo Haween u dhalatay dalka Faransiiska,
Labo Duuliye oo u dhalatay dalka Kenya, iyo Labo u kala
dhalatay dalalka Belgium iyo
Bulgaria.
Isku
soo wadda duubo La-haystayaashaasi, ayaa waxaa la afduubtay
bishii November ee sannadkii hore waxaana ay qeyb ka ahaayen
Tiro ajaanib ah oo lagu haysto Bartamaha iyo Koonfurta
somalia iyadoo wali lagu haysto Magaaladda Muqdisho labba
weriye oo u kala dhashay Canadda iyo
Australia
kuwaasi oo lahaysto muddo gaaraysa Labba sano.
www.ceegaag.com
webmaster@ceegaag.com |
