|
Dawladda FKMG ah ee Somalia
oo Digniin u dirtay Ajaanibta imanaya Somalia.
(Muqdisho,
August 14, 2009 Ceegaag Online)
Dawladda Federaalka KMG ah ee somalia ayaa Digniin u dirtay
dadka Ajaanibta ah ee usoo safraya Somalia waxaana hadalkaas
sheegay wasiirka Amniga Dawladda Somalia Mohamed Abdulahi
iyadoo Maxamed cabdulahi ugu baaqay dadka ajaanibta ah inay
soo maraan laamaha Socdaalka Somalia.
Hadalka wasiirka ayaa ku soo beegmay xili dhawaantan lagu
dilay Gudaha Somalia todobo wadaad Tabliiq ah oo dhashadoodu
tahay Pakistaniyiin iyadoo aan lala xiriirinayn siyaasada ka
taagan
somalia
iyo danta ay u yimaadeen somalia oo ahayd inay faafiyaan
diinta Islaamka.Mohamed Abdulahi ayaa bishii hore loo
magacaabay Wasiirka Amniga Dawladda KMG ah ee somalia ka dib
markii la kharaajiyay Wasiirki Amniga Dawladda Somalia
waxaana hadalkan uu maxamed Cabdulahi ku sheegay waraysi uu
siiyay Wakaaladda wararka ee Reuters.
Maanta
ayaa digniintani u diray Ajaanibta isagoo sidoo kale sheegay
inaanay jirin cid wax ka ogayd dilka loo gaystay wadaadada"
waxaan uga digayaa wadaadada diinfidiyeenadda ah iyo
ajaanibta kale inaanay mardambe somalia imaan iyagoo soo
mara maahe laamaha socdaalka Somalia si loola socdo
dhaqdhaqooqada Amni iyadoo la xaqiijinayo ujeedoyinka
Socdaalkooda" ayuu yiri Maxamed Cabdulahi oo waraysi
siinayay Reuters.
Laamaha amaanka ee reer Galbeedka ayaa horay u shegay in
somalia noqotay meel hoy u ah Kooxo Islaamiyiin ah oo ka
taliya badi somalia iyagoo sheegay in carqaladihi ugu
dambeeyay lagu dilay in ka badan 18,000 oo rayid ah laga soo
bilaabo 2007 iyadoo sidoo kale ay barakeceen ku dhawaad 1
million.
Dalka
somalia waxaa uu fowdo ahaa ilaa 1991 xiligasi oo ay dhacday
dawladi militaryga ahayd walaw uu maanta ka jiro Talis uu
hogaamiyo Hogaamiye siyaasadeed oo da'yar Sheikh sharif
sheikh axmed iyadoo maamulka Madaxweyne sharif ka taliyaan
oo kaliya Meelo kooban oo ku yaala Magaaladda Caasimadda ah
ee Muqdisho iyadoo ay halgan kula jiraan kooxo diimedka
somalia sida Al-shabaab iyo Xizbul Islaam kuwaasi oo
maraykanku la xiriiriyo Ururka Al-Qa'ida iyadoo dagaaladi
ugu dambeeyay ee somalia ka soconayaan Gobolka galguduud ee
Bartamaha somalia halkaasi oo lagu dilay ugu yaraan 16 halka
la dhaawaay 20 kale dagaaladasi oo qayb ka ah dagaal
diimedyada Ragaadiyay siyaasadda Somalia..
Abdirashid Maxamed
Dahir
Rashid@ceegaag.com
webmaster@ceegaag.com |
