|
Faahfaahin ka soo baxaysa
Sarkaal faransiis ah oo koox afduubayaal ah kaga baxsaday
Muqdisho.
(Muqdisho,
August 27, 2009 Ceegaag Online)
Muddo ka
badan labba asbuuc ayaa magaaladda muqdisho lagu haystay
labba nin oo Faransiis ahaa kuwasi oo ahaa sida la sheegay
tababarayaal la doonayay inay tababar u fidiyaan Ciidamadda
Dawladda Somalia basle warar la xaqiijiyay maanta ayaa
sheegaya in mid ka mid ah labbadi nin uu soo baxsaday isagoo
saakana la keenay xarunta Madaxtooyadda ee Villa-Somalia.
Sarkaalka
baxsaday ee ka mid ahaa labaddi nin ee faransiiska ahaa oo
la afduubay todobaadyo ka hor ayaa Dawladda Somalia
magaciisa ku sheegtay Mark iyadoo markii la shaaciyay
Imaanshihisa Dawladda Somalia bayaan ka soo saartay
bayaankaasi oo meesha ka saaray shaki iyo tuhuno soo baxayay
oo sheegayay in labadi sarkaal soo baxsadeen waxaana dawlada
Somalia sheegtay in mid ka mida uu yahay ninka soo baxsaday.
Haddaba
saacado ka dib markii Mark soo gaaray xarunta Madaxtoyadda
Villa-Somalia ayuu shir jaraa'id qabtay isago faahfaahiyay
sidii uu usoo baxsaday"Waan soo baxsaday xalay saqdii dhexe
waxaan anigu gacanta ugu jiray Maleeshiyadda Hizbul Islaam
oo si fiican iila dhaqmi jiray Cunona isiin jiray hadaan
faahfaahiyo sidaan ku soo baxsday aniga qol ayaan ku jiray
qolkii ayaan si farsamaysan uga soo cararay markii ragi i
haystay seexdeen waxaana 8 saac dhex ordayay Magaaladda
Muqdisho anoo meel aan aado garan la'a ayaan saaka abaarihi
5:00 subaximo soo galay xero ay deganyihiin Ciidamadda
Dawladda waxaa xusid mudan intii aan magaaladda dhex ordayay
rasaas ayaa la igu soo furay tiro ka dhawrjeer mana garanayo
waxa sababay" ayuu yiri la haystihii Faransiiska ahaa ee soo
baxsday.
Ninkani
faransiiska ah ayaa meesha ka saaray inay jiraan warar
sheegaya inuu soo dilay saddex nin oo haystay isagoo sheegay
inuu farsamoyin isticmaalay markii uu soo baxsanayay isagoo
hoosta ka xariiqay inaanu la socon wakhtiga uu imaanayay
Vill somalia maadaama buu yiri qalabkii uu watay oo
saacadiisu ku jirtay ay ka furteen Dablaydii qafaalatay
isagoo sidoo kale sheegay inaanu garanayn meesha uu ku
suganyahay sxbkiisi kaleeto waxaana uu sheegay in kala meel
lagu maxbuusay.
Isku
soo wadda duubo haysashadda saraakiishan faransiiska ah ayaa
waji gabax ku noqotay Dawladda Somalia maadama ay ahaayen
tababarayaal Dawladu dalbatay balse warar si hoose usoo
baxayay maalmihi ugu dambeeyay ayaa tibaaxayay in Lacag
madaxfurasho ay qaadanaayan Maleeshiyadda Haysatay
Nimankaasi faransiiska ah(Alshabaab iyo Hizbul islaam) balse
wali waxaa gacanta Islaamiyiinta ku maqan ninkii kale ee
lala afduubtay Marka.
www.ceegaag.com
webmaster@ceegaag.com |
