|
Muran siyaasadeed ayaa ka soo
cusboonaday Gobolka Hiiraan ee Bartamaha Somalia.
(G.Hiiraan,
September 01, 2009 Ceegaag Online)
Muran
siyaasadeed ayaa ka soo cusboonaaday Gobolka Hiiraan ee
Bartamaha Somalia waxaana Murankani yimid markii maalintii
shalay ahayd uu Gudoomiyaha Gobolka Hiiran C/raxmaan macow
oo hogaamiha Maamulka Maxkamadaha Islaamiga ah ee Gobolkaasi
(Garabka Taageersan DFKMG ah) uu sheegay inay ka bexeen
Dawladda uu jaharaha u hayo Madaxweyne Sharif sheikh axmed
isla markaasna maamulkisu aanu Aqoonsanayn Dawladda Xamar ka
dhisan waa sida uu hadalka u dhigaye isagoo hoosta ka
xariiqay inay kalsoonidi kala laabteen ka maamul ahaan.
Balse
Odayaasha Dhaqanka Gobolka Hiiraan oo Maanta kulan ku
yeeshay Magaalada Baladweyne ayaa ka hadley arimihii ugu
danbeeyay ee Gobolka ku soo kordhey, gaar ahaan Go’aankii
Maamulka Gobolku ka qaatey DKMG ah.
Odayaasha oo
ku kulmey Baar Faahiye ee Magaalada Baladweyne, waxay ka soo
horjeesteen hadalkii shaley ka soo yeeray Gudoomiyaha
Maamulka Gobolka Hiiraan, C/raxmaan Macow ee uu ku sheegay
DKMG ah inay ka baxeen.
Kulankooda
ayay uga hadleen labo qod oo kala ahaa, inaaney waxba ka
ogeyn Go’aanka Gudoonka Maamulku qaatey, sidoo kalena ayna
la qabin, sida uu Shir Jaraa’id oo kulanka ka dib qabtey
Gudoomiyaha Odayaasha Dhaqanka ee Gobolka Hiiraan, Maxamuud
Axmed Xoshow ka sheegay.
Waxa uu sidoo
kale sheegay in Gobolka Dowlada laga taageersan yahey,
Go’aanka uu Gudoonka Gobolku qaateyna uu yahey mid Dadka
Gobolka ku dhaqan ayna la qabin, sidoo kalena ka xun yihiin,
sida uu hadalka u dhigey.
Dhinaca
kale Wasiirka
Amniga ee dowlada Somalia C/laahi Max'ed Cali, ayaa go'aanka
Gudoomiyaha gobolka Hiiraan ku sheegay inay dowladii ka
baxeen ku tilmaamay mid isaga u gaar ah oo aanay la qabin
odoyaasha iyo bulshada gobolka Hiiraan waxaana uu ka
dhawaajiyay wasiirku in shacabka reer Hiiraan
Taabacsanyihiin DFKMG ah.
Wasiirka
Amniga Qaranka C/laahi Max’ed Cali Sanbaloolshe ayaa
cadeeyay in aayaha dadka reer Hiiraan uu noqonayn mid u
afduubaan shaqsi kaliya, wuxuuse xusay in Dowladdu isku dayi
doonto iney wax ka qabato cabashada ka soo yeereysa maamulka
ka arimiya Gobolka Hiiraan
www.ceegaag.com
webmaster@ceegaag.com |
