|
Puntland oo warsaxaafadeed ka
soo saartay Dilkii wasiirka Warfaafinta.
(Garoowe,
August 05, 2009 Ceegaag Online)
Iyadoo maanta
lagu dilay Gudaha magaaladda Gaalkacyo ee xarunta Gobolka
mudug wasiirki warfaafinta Puntland Warsame cabdi shirwac
seefta Banaanka ayaa waxaa galabta shir degdega oo ay isugu
yimaaden golaha wasiiradu ka soo saareen warsaxaafadeed ku
saabsan dilka wasiirka isla markaasna lagu cambaareyay sida
uu u dhacay dilka foosha xun waxaana ay ka soo saareen
warsaxaafadeedkan.
Warsaxaafadeed.
Maanta oo ah Arbaco,5/08/2009 saacaddu markay ahayd 12:30
duhurnimo,waxaa bartamaha Magaala madaxda Gobolka Mudug ee
Gaalkacyo fal dil bareer ah oo qorshaysan loogu geystay
Wasiirka Wasaaradda Warfaafinta,Isgaarsiinta.hidaha iyo
Dhaqanka ee Dowladda Puntland,Warsame Cabdi Shirwac.
Ilaah ha u naxariistee,wasiirku wuxuu ka mid ahaa wefti
ballaaran oo ka tirsan Golayaasha Dowladda Puntland oo
Gobolka Mudug muddo bil ah u joogay hawlo la xiriira
suggidda Amniga Gobolkaas.sida la ogsoon yahay,Gobolka Mudug
wuxuu xuduud la wadaagaa Gobollada Dhexe ee Soomaaliya iyo
Kililka Shanaad ee Dalka Itoobiya waxaana Magaala madaxdiisa
Gaalkacyo hore uga dhici jirey dilal qorshaysan oo loo
geysto dadka Birmageydada ah oo Dalka iyo Dadkaba waxtarka u
leh.
waxaa hore dilalkaasiqorshaysan loogu khaarajiyey hoggaamiye
dhaqameedyo,aqoonyahano,Ganacsato iyo saraakiil
dowladeed.Golaha wasiirada Dowladda Puntland oo shir degdeg
ah galabta isugu yimid waxa ay u aqoonsadeen inuu fal
dambiyeedkaasi yahay mid siyaasadeed oo qorshaysan cid kasta
fulintiisa ha loo adeegsadeen,iyadoo loola jeedo in ammaanka,
deganaanshaha iyo sumcadda Puntland lagu waxyeeleeyo.iyadoo
lagu guda jiro baarista aqoonsiga iyo soo qabashada ciddii
falkaas foosha xun geysatay isla markaana sharciga la hor
keeni doono.
Wuxuu golaha xukuumaddu Tacsi Tiiraanyo leh u dirayaan
qoyskii, eheladdii, guud ahaan shacabka Soomaaliyeed gaar
ahaana shacabka Puntland oo uu Wasiirku ka geeriyooday
wuxuuna ilaahay uga baryayaa inuu jannatu Fardowsa ilaahay
hoy uga dhigo.
Dhammaanteenna samir iyo iimmaan alla ha naga siiyo Ammiin
Ammiim Ammiin
Inaalilaah wa inaa ilayhi la Raajucuun.
Calibare Jaamac Gibin
Agasimaha Guud ee Madaxtooyada.
www.ceegaag.com
webmaster@ceegaag.com |
