|
Mulkiilaha mid ka mida
labbadi Doonyood ee Masar laga lahaa oo gaarey Qaahira.
(Qaahira,
August 18, 2009 Ceegaag Online)
Mulkiilihi Dooni laga lahaa Dalka masar oo dhawaantan ka
badbaaday Afduub burcad badeed ugu haysatay Xeebta Degmadda
laasqoray ayaa shalay Galabnimadi ka degay Airporka Jabuuti
isagoo dalka masar ka maqnaa muddo dhan labba bilood Waxaana
uu ku sugnaa Magaaladda Bosaso ee Puntland waxaana
mulkiilaha Markabkaasi lagu magacaaba xaaji Xasan Khaliil oo
da'diisu tahay 65sano jir.
Mulkiilaha Mid kamida Doonyahasi Xaaji xasan khaliil ayaa
isagu muddo u joogay Deegaanadda Puntland gorgortan uu kula
jiray Kooxda Burcad badeeda ah ee haystay Labadda doonyood
iyadoo labadaasi markab ahaayen Nooca kaluunka daabula.
Xaaji
xasan khaliil oo isagu ah mulkiilaha mid kam doonyahasi oo
lagu magacaabo(Mumtaas1) ayaa ka degitaankiis Jabuuti shalay
galab saacadu markayd ahayd 4:00 cadaanweydy inuu aadayo
Qaahira marka la eego xaaladaha Safarka oo ahaa mid degdega
markii uu ka soo baxayay bosaso iyadoo ay si wayn u
ilalinayen Ciidamadda Amaanka ee Puntland Waxaana la socday
C/waaxid maxamuud Xasan la taliyihii hore ee C/laahi yuusuf.
Balse
xaaji xasan khaliil ayaa maanta duhurkii ka degay Magaaladda
Qaahira ee wadanka Masar iyadoo si wayn halkaasi loogu soo
dhaweeyay waxaana soo dhaweeyay dad aad u fa rabadan oo reer
masar ah oo ay u badnaayen eheladda shaqaalaha laga lahaa
Doonyaha Masar ee iska badbaadiyay kooxaha burcad badeeda
ah.
Labadda
Doonyood ee Masar laga lahaa.
Labadda
doonyood ee laga lahaa masar ayaa ahaa nooca Kaluunka
waxaana laga afduubay xeebta badweynta Hindiya dabayaaqadi
bishii April ee sanadkan 2009 iyadoo la geeyay xeebta
Deegaanka Gacan ee Laasqoray halkaasi oo muddo lagu haystay
Doonyaha iyo shaqaalaha saaran oo masar laga lahaa balse
xoog iyo xeelad ayaa ay isku sii daayen Shaqaalihi
Doonyahasi oo gaarayay 35 shaqaale reer masar ah.
Hal nin
oo dhaawac ayaa isagu badda isku so tuuray oo lala dhacay
Faasas iyo Baangado isagoo ku soo caaryay biyaha Degmadda
laasqoray balse ninkaasi ayaa dhintay shalay waxaana lagu
aasay Deegaankaasi sidoo kale hal nin oo kale oo mayd ah
ayaa isna ku soo caaryay Degaankaasi waxaana loo malaynayaa
inay ku dhinteen Nimankaasi weerarkii labadda dhinac ku
dhexmaray Doonyaha dhexdooda.
Marka la
isku soo xooriyo Waxaa loo aaneynayaa falkaasi ay isku sii
daayen Shaqaaluhu inay gacan ka gaysatay Dawladda puntland
basle Xildhibanad Caasho axmed cabdala oo ka tirsan
Xildhibaanada Baarlamaanka Somalia oo ku sugan Magaaladda
Gaalkacyo ayaa waraysi ay siisay Jariidada"Dastuur" ee dalka
masar kaga codsatay Dawladda Masar inay dib ragaasi ugu soo
celiso Puntland si halkaasi loogu maxkamadeeyo.
www.ceegaag.com
webmaster@ceegaag.com |
