|
Safarka Madaxweynaha Somalia
ee Wadamadda Khaliijka.
(Doha,
August 29, 2009 Ceegaag Online)
Madaxweynaha DFKMG ah ee Somalia Sharif sheikh axmed iyo
wafdi ka tirsan Golaha wasiiradda ayaa socdaal ku maraya
wadamo ku yaala Khaliijka sida Qadar waxaana safarkan uu
madaxweyne sharif ku yimi Qadar yahay mid uga bilaabmay
wadamo ku yaalla khaliijka iyadoo la filayo inuu tago wadamo
ay mid yihiin,Bahreyn iyo Urdun.
Markii
wafdiga madaxweynaha ay imanayen Magaaladda Doha Waxaa
Garoonka ku soo dhaweeyay Sheekh Xamdi Bin Thaamir Aala
Thani, Gudoomiyaha Mu’asasadda Warfaafinta Qadar, Safiirka
DKMG ah u jooga Qadar Ismaaciil Qaasim Naaji iyo Xubno kale.
Sheekh
Shariif iyo Wafdigiisa ayaa Qasriga "Al-Wajbah" kulan kula
qaatay Amiirka Dalka Qadar Sheekh Xamdi Bin Khaliifa Aala
Thani, Sheekh Xamdi Bin Jaasim Jabar Bin Thaanii Ra’isul
Wasaaraha, ahna Wasiirka Arimaha Dibadda Qadar, iyo Sheekh
Xamdi Bin Thaamir Aala Thani, Gudoomiyaha Mu’asasadda
Warfaafinta Qadar.
Sidoo
kale, kulankaasi waxaa Goob joog ka ahaa Gabadha lagu
magacaabo Hindo Binti Xamdi Bin Khaliifah Aala Thani oo ah
Maamulaha Xafiirka Amiirka Qadar, Sayid Sacdi Bin Maxamed
Al-ramiixi Xoghayaha Amiirka, Sayid C/lla Bin Ciid Al-Saliidiyi
Maamulaha Xafiiska Ra’isul Wasaaraha Qadar iyo Safiir
Ibraahim C/casiis Al-sahlaawi Maamulaha Arimaha Carabta ee
Wasaaradda Arimaha Dibadda.
Marka aan
eegno Dhanka DKMG ah waxaa kulankaasi Goob joog ka ahaa C/raxmaan
Jaamac C/llaahi Wasiirka Warshadaha, Cali Jaamac Jangali
Wasiirka Arimaha Dibadda, Xassan Macallin Maxamuud iyo
Safiirka DKMG ah u fadhiya Qadar Ismaaciil Qaasim Naaji.
Labadda
Dhinac waxay ka wada hadleen sida lagu faafiyay Wakaaladda
Wararka Qadar xiriirka labada Dal, waxyaabihii ugu danbeeyay
ee ku soo kordhay Saaxadda Carabta iyo Midda Dowliga ah.
Marka la
isku soo xooriyo Safarka shariifka ee wadamadda Khaliijka
ayaa u muuqda mid ay dawladaha Carbeed kaga hadlayaan habka
ugu wanaagsan oo Dawlada uu hogamiyo ula macaamili karto
xoogaga Alshabaab iyo Hizbul islaam oo dagaal adag kala soo
horjeeda Taliska Shariif waxaan sidoo kale meesha ka maqnayn
iskaashiga Ganacsiga iyo Dhaqaalaha maadaama wadamo badan oo
khaliijka ku yaala xoolaha somalida iibsadaan iyado wakhtiga
xajkana xoolaha ugu badan khaliijka looga qaado somalia
waxaana jira Qandaras Dawladda Somalia siisay shirkado
khaliijka iyo sucuudiga ku yaala taasi oo xoolaha lagaga
Dhoofinayo
Puntland iyo
Somaliland
maadaama Dawladda Sucuudigu Xayiraadi ka qaaday Lo'da
Somalida.
www.ceegaag.com
webmaster@ceegaag.com |
