|
Wadaado Tabliiq ah oo lagu
Dilay Masjid ku yaala Magaaladda Gaalkacyo.
(Gaalkacyo,
August 12, 2009 Ceegaag Online)
Waaberigi
hore ee saaka ayaa waxaa lagu dilay banaanka hore ee
masaajid ku yaala Gudaha magaalada Gaalkacyo Wadaado Tabliiq
ah oo u dhashay wadankaasi
Pakistan wadaadada
ayaa lagu dilay fadinka hore ee masjid lagu magacaabo
Towfiiq kuna yaala dhabarka dambe ee Iskuulka umada oo ku
yaala Bartamaha Magaaladda Gaalkacyo waxaana dilkani gaystay
kooxo Qowleysato ah oo afku u duubna sida dad Goobjoogayaal
ah u sheegeen Ceegaag Online.
Dilkani lagu
dilay wadaadada masaakiinta ah ee u yimi dalka Somalia
fidinta Diinta islaamka ayaa yimi ka gadaal markii Raga
dilkani gaystay gudaha u galeen Masaajidka Towfiiq iyagoo
banaanka ula so baxay shan ka mida wadaadada oo iyagu
markaasi ka soo baxay salaadda Subxeed waxaana markii ay
marayeen Fadinka hore ee masaajidka ku fureen rasaas iyagoo
u geeriyooday rasaasti waxaana sido kale dhaawac soo gaaray
saddex qof oo ku tukanayay Masaajidka waxaana wararka soo
baxaya sheegayaan in dableydii dilka foosha xun gaystay u
carareen Koonfurta Gaalkacyo.
Dilkani loo
gaystay Wadaadada Tabliiqa ah ayaa waxaa si aada uga
xumaaday dadweynaha Magaaladda Gaalkacyo waxaana Goobti
dilku ka dhacay soo gaaray Ciidamadda Booliiska Maamulka
Puntland
iyagoo xiray jidadka iyo wadooyinka soo gala goobta dilku ka
dhacay waxaana shantii Wadaad ee dhintay la geeyay Masjidka
Towfiiq iyadoo ragii dhaawacu soo gaarayna lagu dabiibayo
Cusbitaalka mana cadda ilaa hadda sababta dilkani keentay
balse waxaa maanka lagu hayaa in magaaladda gaalkacyo tahay
goob aad u khatar badan marka la eego dhinaca amaanka
waxaana horay loogu dilay masuuliyiin iyo waxgarad waxaana
dilkani ku soo beegmayaa xili magaaladu tahay Bandaw iyadoo
ay magaaladda Gaafwaregayan Ciidamadda Booliiska.
Isku so wadda
duubo wadaadada shanta ah ee lagu dilay Magaaladda Gaalkacyo
ayaa qeyb ka ahaa 25 Wadaado tabliiq ah oo ka yimi Pakistan
waa markii ugu horaysay oo Gudaha puntland lagu dilo wadaado
Tabliiq ah inkastoo Magaaladda Qeybteeda Koonfureed ay
gacanta ku hayaan Urur diimeedka Ahlu sunah waljameeca..
*******************************************************************************************************************
war
dagdag-ah oo kasoo kordhay Dilkii Foosha Xumaa ee ka dhacay
Magaalada Gaalkacyo
Warar ka soo baxaya Gaalkacyo Medical Centre ayaa sheegaya
in labaddi qof ee dhaawaca ahaa ee u dhashay
Pakistan
ku dhinteen Cusbitaalka taasi oo tiradda Tabliiqa Saaka lagu
dilay Gaalkacyo ka dhigaysa 7 Tabliiqa waxaana dhaawac ah
nin kale oo somali ah.
Xukuumadda
Puntland
ayaa warsaxaafadeed ka soo saaray Dilka saaka loo gaystay
nimanka Pakistaniyiinta ah waxaana warsaxaafadeedkani lagu
sheegay in Puntland cambaaraysanayso Dilka foosha xun ee
loo gaystay Wadaada waxaana sidoo kale warsaxaafadeedka lagu
sheegay in dilkani ay gaysteen Dad ka soo jeeda Koonfurta
Somalia oo khalkhal gelinaya Amaanka Puntland waa sida lagu
qoray Warsaxaafadeedkani.
Abdirashid Maxamed
Dahir
Rashid@ceegaag.com
webmaster@ceegaag.com |
