|
Wadahadal Gaalkacyo uga
bilaabmay Dawladda Federaalka KMG ah ee Somalia iyo
Puntland.
(Gaalkacyo,
August 19, 2009 Ceegaag Online)
Iyadoo uu magaaladda
Gaalkacyo ee Puntland soo gaaray Wafdi balaaran oo uu
hogaaminayo Ra'iisulwasaare Cumar C/rashid cali sharmaarke
ayaa waxaa ay wadahadal la leeyihiin Masuuliyinta sarsare
Puntland sida Madaxweyne Farole,Gen:Abdisamad iyo Xubno ka
tirsan golaha wasiiradda waxaana wadahadalkaani si rasmi ah
loo shaaciyay habeenimadi xalay ahayd markii la sameeyay
Guddi isku dhaf ah oo labadda dhinac ka kooban(Puntland iyo
DFKMG ah) waxaana Gudigaasi loo qaybiyay saddex qaybood oo
ah1-Guddiga Siyaasadda waxaana madax u ah Madaxweyne faroole
iyo Ra'iisulwasaare Cumar C/rashiid sido kale waxaa la
sameeyay laba Guddi oo kale oo loogu magacdaray,Guddiga
Taakulaynta iyo Arrimaha bulshadda iyo Dhaqaalaha waxaana
Guddiyadaasi si wadajir ah u soo saari doonaan Go'aamada la
isku waafaqay.
Wadaxaajoodka Labadda
dhinac uga bilaabmay magaaladda Gaalkacyo ayaa ah wadahadal
la doonayo in la isugu so dhaweeyo Dawladda Puntland iyo
DFKMG ah ee somalia maadaama loo arko in Puntland udub
dhexaad u tahay Dawlad kasta oo somalia laga yagleelo iyadoo
dadka siyaasadda indhaindheya Tibaaxayen in aanu
wanaagsanayn xiriirka labadda dhinac tan iyo intii la
yagleelay Dawladi lagu dhisay jabuuti ee uu majaraha u hayo
Madaxweyne Sharif sheikh axmed.
Wadahadalka Labadda dhinac
ayaa waxaa looga hadlayaa qodobo ay ka mid yihiin,Iskaashiga
Awooda military oo labadda dhinac dhexmara maadaama Dawladda
somalia ku jirto xaalad degdega oo dagaalo iyo weeraro
isdabajoog ah ku hayaan xoogaga mucaaradka taasi oo saameyn
ku yeelankarta Puntland waxaana sidoo kale looga hadlayaa
kulanka labadda dhinac uga socda Magaaladda
Gaalkacyo,Deeqaha waxbarasho iyo taakuladda caalamiga ah e
Dawladda Federaalku ka soo hesho wadamadda shisheeye sidii
loo qaybsanyahaa iyo in Puntland qayb ku yeelato wafdikasta
oo u ambabaxaya Wadamadda shisheeye taasi oo haday
dhaqangasho daaweynkarta xurgufta Labadda dhinac iyadoo
sidoo kale qodobadasi ay qayb ka tahay sidii Dawladda
Somalia baaq ugu jeedinlahayd dadka somalida ah ee ka soo
cararaya Dagaaladda ka socda Koonfurta Somalia.
Isku soo wadda duubo
dhamaystirka hawsha ayaa muuqda mid dardar weyn ku socda
iyadoo wafdiga Ra'iisulwasaare ka koobnayen shan markii uu
soo degayay ayaa waxaa ku soo darsamey labba wasiir oo kala
wasiirka Waxbarashadda C/laahi waayeel iyo Wasiirka hidaha
iyo tacliinta sare Pro:Ibraahim xasan caddow kuwaasi oo
looga maarmi waayay wadahadalka labadda dhinac oo ay
dhexmarayso dood aad u dheer waxaana la filayaa in Maalmaha
soo socda warmurtiyeed labadda dhinac soo wadda saaraan.
www.ceegaag.com
webmaster@ceegaag.com |
