|
Wakiiladda Somaliland oo
sheegay in xaruntoodi lala wareegay iyo Maamulka oo ka
jawaabay.
(Hargeysa,
August 30, 2009 Ceegaag Online)
Maalinimadi
shalay ahayd ayay ahayd markii Gudoomiyaha Golaha wakiiladda
Maamulka Somaliland C/raxmaan maxamed cabdulahi sheegay in
Golaha ay la wareegeen ciidamadda Amaanka isagoo ku eedeyay
inaysan fulin amar lix mudane lagaga mamnuucay in ay ka qayb
galaan fadhiyadda golaha mudo saddex cisho ah iyadoo
Hadalkan ka soo yeeray C/raxmaan maxamed cabdulahi Gudoomiyaha
Golaha Wakiiladda yimi xili fadhi ay laahayen shalay
Mudanayaasha Baarlamaanka Somaliland iyadoo madashi shalay
ay ka soo qaybgaleen xildhibaano tiro ahaan gaaraya
53xildhibaan iyadoo 82xildhibaan ay ka koobanyihiin
mudanayasha Baarlamaanka Maamulka Somaliland.
C/raxmaan ayaa
hoosta ka xariiqay in lixdaasi mudane lagu anshax mariyay
saddex fadhi in laga saaro Golaha iyadoo xildhibaanadasi si
cad ugu gacansayren inay ka baxaan Golaha waxaana degdeg
fadhigii shalay usoo xiray Gudoomiyaha Wakiilada.
Cabashadda
Gudoomiyaha Wakiiladda Somaliland ayaa uu ku daray in
Taliyaha Ciidamadda Bilaysku u sheegay Mudanayasha in ay
qabaan amar ka sareeya inaan lixdaasi mudane fadhiga laga
saarin.
Arrintasi ay
wakiiladu soo gudbiyeen ayaa muran iyo buuq dhalisay waxaana
ka hadlay Golaha fulinta(Xukuumadda) iyadoo Wasiirka
arrimaha Gudaha Somaliland c/laahi Ismaacil cirro maanta
shir jaraa’id ku qabtay xafiiskiisa Magaaladda Hargeysa isaga
oo waxba kama jiraan ku tilmaamay in ciidamo Bileys ah
qabsadeen golaha balse waxa uu tibaaxay in ciidamadda ay
ujeedadoodu ahayd inay Ilaaliyaan Fadhiga Golaha.
Wasiirka oo
tixraacayay Hadalka Gudoonka Wakiiladda Somaliland ayaa
yiri”Waxaan manta ka hadlayaa waa waxa shalay ka so yeeray
C/raxmaan Gudoomiyaha Golaha wakiiladda oo ahaa in Golaha la
qabsaday waxaan leeyahay horta sugida amaanka Wasaaradayada
ayaa iska leh waxaana Umada u shegayaa in ciidankii hore ee
meesha joogay iyo kana an manta u dirnay aanu jirin farqi u
dhexeeya waana isla halkii ee wax kale oo dhibaato ah ma
jiraan cid dawladda ah oo golahaasi handadayna ma jirto”.
Cirro waxaa
uu ku adkaystay in ay lagama maarmaan ahayd in ciidamo
xoojin ah loo diro goobta shirka wakiiladu ka dhacayeeyn
iyadoo marka la isku soo xoriyo xaaladaha hada ka soo
ifbaxaya Maamulka Somaliland u muuqdaan kuwo qayb ka noqon
kara Muran siyaasadeedka cirka isku shareeray ee ka taagan
Somaliland.
www.ceegaag.com
webmaster@ceegaag.com |
