|
Wasaaradda Waxbarashadda
Puntland oo soo gabagebaysay Barnaamij lagu midaynayo
Manaahijta Dugsiyadda Sare.
(Garoowe,
August 15, 2009 Ceegaag Online)
Wasaaradda
waxbarashadda P/land ayaa soo gabagebaysay Barnaamij lagu
midaynayo Manaahijta Dugsiyadda
Sare
ee Puntland waxaana Barnaamijkani uu ahaa kulan soconayay 7
maalmood oo aad looga munaaqashoonayay habka ugu haboon ee
loo midayn karo manhajka Dugsiyadda Sare ee Puntland iyadoo
loo sameeyay xaflad lagu soo gabagebaynayo Dhamaystirka
Barnaamijka lagu midaynayo Manaahijta Dugsiyadda sare ee
Puntland waxaana xafladaasi ka dhacday xarunta wasaaradda
waxbarashadda iyadoo ay ka soo qaybgalay Masuuliyiin aad u
farabadan oo ka socota Ha'adaha caalamiga ah ee
waxbarashadda sida AET (Africa Education Trust) iyo
Masuuliyiinta wasaradda waxbarashadda ee Puntland oo uu ugu
horeeyo wasiirka waxbarashadda Cabdi faarax juxaa.
Xafladani loo
qabtay gabagebaynta Barnaamijka lagu midaynayay manaahijta
Dugsiyadda sare ayaa waxaa ka hadlay masuuliyiin aad u
farabadan waxaana ka mid ahaa Dr Cali C/laahi oo ah
Agaasimaha Madaxa Tacliinta sare ee Puntland, Dr ayaa
sheegay in uu aad ugu faraxsan yahay in ay maanta Puntland
yeelato hal Manhaj oo mideysan ayna ku mideysan yihiin
dhamaan Dugisyada Sare ee Puntland.
Sidoo kale waxaa isna halkaas hadalo kooban ka soo jeediyey
Agaasimaha Waaxda tababarada Siciid Faarax Sanweyne oo amaan
balaaran u soo jeediyey dhamaan ka soo qeyb galayaasha
Xafladaan,Masuul sare oo ka socday Hay’adda AET Cabdi Xakiin
C/laahi oo ah Hay’addii fanka bixineysay inta uu socday
Kulanka midaynta Manaahijta Dugsiyadda sare ayaa isna waxa
uu amaan gaar ah u jeediyey Masuuliyiinta Wasaaradda
waxbarashada Puntland sida ay u doonayaan inay mideeyaan
Manaahijta waxbarasho ee Dugsiyadda sare.
Agaasimaah Maamulka iyo Shaqaalaha oo isna sheegay in intii
la waday shaqaadaan ah Mideynta Manhajyada Dugsiyada sare
aysan habeen iyo maalin sexan taasina ay ku tusayso in
Wasaaraddu xooga saartay sidii looga miro dhain lahaa
Mideynta Manhajyada Dugsiyada Sare ee Puntland.
Dhanka kale waxa halkaas ka hadlay Garaad C/laahi Cali Ciid
oo ku dalayey Magaca Isimada Puntland isaga oo sheegay in ay
dhamaam isimada Puntland ay aad ugu riyaaqeen in Maamulka
Puntland uu dar dar xoogle galiyey dhanka waxbarashada loona
magaacaabay nin aqoon u leh, Garaadka oo sheegay in
dugsiyadu ay leeyihiin Magacyo carbeed wuxuuna sheegay in
asan xumeyn balse loo baahan yahay in loo bixiyo magacyo
soomaliya oo Taariikhda salka ku haya.
Gabagabadi Munaasabadda lagu soo afmeerayay Manaahijta
Dugsiyadda sare waxaa ka hadlay Wasiirka wasaaradda
waxbarashadda Puntland Cabdi faarax juxaa oo amaan iyo
Bogaadin halkaasi uga jeediyay dadkii isku hawlay ka
qaybgalka barnaamijka
Lagu midaynayay
Manaahijta Dugsiyadda sare isagoo hoosta ka xariiqay in
helitaanka Manaahij midaysan ay tahay mid keeni karta
Ictiraaf guud oo loo helo ardayda ka qalinjabisa Dugsiyadda
sare si shahaadadu ugu meel marto taasina buu yiri ay wax
weyn ka tari karta Hanaanka tayaynta waxbarashadda Puntland
iyo kor u qaadida Heerka waxbarasho oo maanta ka jira
Puntland waxaana wasiirku hadalkiisa raaciyay in 2009-2010
ay Dugsiyada Sare Puntland ay ka bixi doonaan hal Manhaj oo
Midysan, Wasiirka oo warbixin kooban ka bixiyey
Imtixaamaadkii sanad dugsiyeedkii la soo dhaafay in ardaydii
gashay ay aad u hooseeyeen ayna halkaas ku tusayso in
waxbarashadeenu aad u hoseyso.
Marka la isku soo xooriyo Haddi lagu guulaysto Helitaan
manhaj midaysan oo ka dhaqangala Dugsiyada
Puntland(Secondary Education) waxaa meesha ka dhacaysa
iskhilaafka Ardayda dugsiyadda oo iyagu wax ku kala barta
Maadooyin kala Gedisan Tusaale Dugsiyadda qaarkood waa
(Arabic Education) halka qaar kalena yihiin (English
Department) taasi oo aan suurta gelinayn hal wadiiqo oo
waxbarasho oo ka hirgasha Puntland.
Daawo
Sawirada
     
Abdirashid Maxamed
Dahir
Rashid@ceegaag.com
webmaster@ceegaag.com |
