Faahfaahin ka Soo baxaysa
Ciidamo la Sheegay inuu Wato Wasiirka Amniga Dawladda KMG
oo ku soo Jihaysnaa Beledweyne.
(G.Hiiraan.
June 02 , 2009 Ceegaag Online)
Wararka aanu ka helayno gobolka Hiiraan
ayaa sheegaya in Ciidamo uu hor socdo Wasiirka Amniga
Qaeanka Soomaaliya Col. Cumar Xaashi Aadan ay soo gaareen
meel 22-km u jirta Magaalada B/weyne ee Gobolka Hiiraan.
Ciidamada uu hogaaminaayo Wasiirka ayaa haatan jooga
Isgoyska Kalabeyrka, iyadoo ciidamada uu wado wasiirka ay
markii hore ka yimaadeen degmada Feer Feer ee Soonka shanaad
ee Soomaalida Itoobiya.
Wasiirka iyo ciidamada uu la socda ayaa qeyb ka ah qorshe ay
dowladda Soomaaliya ku doonayso inay deegaano dhowr ah oo ay
gacanta ku hayaan xoogaga ka soo horjeeda ay dib ula
wareegto.
Ciidamadaan ayaa la sheegayaa inay yihiin kuwo tababarkoodu
uu ku soo dhamaaday gudaha dalka Itoobiya, waxeyna
ciidamadaan saacadaha soo socda qorsheynayaan inay bilaabaan
howlgaladooda ay ku doonayaan inay ku tagaan goobaha loo
calaamadeeyay oo ay ku jirto Magaalada Jowhar oo ay gacanta
ku hayaan Xoogagga Al-Shabaab.
Dhanka kale waxaa iyana jira ciidamo kale oo uu horboodaayo
Xildhibaan Barre Aadan Shire (Barre Hiiraalle), iyadoo
ciidamadaasina ay doonayaan inay duulaan ku soo qaadaan
deegaano ay ka mid yihiin Gobolada Bay iyo Bakool,
Jubooyinka iyo Gobolka Gedo.
Faahfaahinadda isa soo taraya ayaa Tibaaxaya
in Ciidamadda ay Gudaha Goor dhawayd u galeen magaaladda
Beledweyne waxaana ay Ciidamadani u Wato wasiirku ay Kaabiga
ku hayaan Degmadda ah Magaalada Istaratiijiga ah ee
BELEDWEYNE.
Wasiirka ayaa safarkiisa waxaa ku weheliya
Xubno ka tirsanaa Maamulkii hore ee Gobolka Hiiraan iyo
waliba Safiirki hore ee Dawladda Itobiya Somalia waxana la
sheegay In ciidamadani yihiin kuwa aad u qalabaysan.
Ujeedada Safarka wasiirka Aminga ayaa lagu
sheegey inay tahay safar uu ku marayo gobolka hiiraan guud
ahaan iyadoo qeybo ka mid ah gobolkaasina ay haatan ku sugan
yihiin ciidamada Xogaga Alshabaab
Waxaa wefdiga wasiirka Amniga Qaranka DKMG ee
Somalia la dejiyay hotelka Madiino bartamaha magaaladaasi
waxaana wefdi-ga wasiir halkaasi si weyn ugu soo dhaweyay
masuuliyiinta gobolka iyo degmada iyo dadweyne kale oo
farabadan.
Cumar Xaashi Aadan oo ka mid ah golaha
wasirada Dowlada Soomaaliya kana soo jeeda gobolka hiiraan
ayaa safarkan maanta waxaa uu noqonayaa kii ugu horeyay ee
uu ku tago hiiran tan iyo intii loo dhiibay xilka wasiirka
Aminiga DKMG ee Soomaaliya.
www.ceegaag.com
webmaster@ceegaag.com |
