Madaxweyne Riyaale iyo
Kuxigeenkiisa oo loo kordhiyay Muddo 6bilood ah
(Hargaysa,
March 28, 2009 Ceegaag Online)
Golaha
Guurtida
Somaliland ayaa maanta mudo 6 bilood ah u kordhisay
Madaxweyne Rayaale iyo Kixigeenkiisa Axmed Y. Yaasiin,
Fadhigii Golaha Guurtida ee maanta oo uu gudoominayey
Gudoomiyaha Golaha Guurtida Somaliland Saleebaan Maxamuud
Aadan, waxa madasha ka soo xaadirey 79 Mudane, cod gacan
taaga oo loo qaaday muddo kordhinta xilka Madaxweynaha iyo
Kuxigeenkiisa waxa ogolaaday 42 Mudan, waxa diiday 35 Mudane,
wax ka aamusay 1 Mudane Guddoomiyuhuna muu codeyn.
Mudanayaasha Golaha Guurtida ayaa ka hor intii aanay cod
qaadin waxay dood ka yeesheen in loo kordhiyo Madaxweyne
Rayaale mudada xilkiisa marka ay ka dhamaato iyo in kale,
taas oo ay Goluhu ku kala qeybsameen, iyada oo ay
mudanaaysha qaar ka soo horjeesteen muddo kordhinta loo
sameynayo kuna tilmaamay inaanay sharciga waafaqsanayn,
halka mudanayaasha qaarna ay ogolaadeen muddo kordhinta
xilka Xukuumada Madaxweyne Riyaale.
Sidoo kale waxa la isku raacay inay doorashada Madaxtooyadu
ku dhacdo 29 Septemper 2009, iyada oo 29 October 2009 ay la
wareegidoonaan Xisbiga ku guuleysta Tartanka Doorashada.
Go’aankan
Golaha Guurtida Somaliland ayaa waxa uu ka horimanaaya
mudadii ay hore Komiishanka doorashooyinku u cayimeen
doorshada oo ahayd 31 May ee sanadkan.
www.ceegaag.com
webmaster@ceegaag.com |
