Toogasho ka dhacday Hawdka Buuhoodle
(Badhifufiye.
March12, 2009 Ceegaag Online)
Toogasho ka dhacay degaanka Badhifufiye ee Hawdka sare ayaa
dhaawac ka soo gaadhay Axmed Aadan Saleebaan (Badgal) iyadoo
dhawaca dhibbanahaas la keenay maanta magaalada Buuhoodle.
Dilkan ayaa gaystay Goofadhe Cumar Xaaji Maxamuud oo u
baxsaday dhinaca hadka sare ka dib markii uu toogtay ninkaas
oo uu rasaas ku furay isagoo fadhiya meel mukhaayad ah.
Dilkan ayaa dabasocda colaad ugub ah oo sanadahan danbe u
dhaxaysay ardaayada Hagar iyo Hayaag oo labaduba ka soo
jeeda beesha Dhulbahante.
Ehelada dhaawacu soo gaadhay oo la soo xidhiidhay shabakadda
Ceegaag ayaa u xaqiijiyay in falkan uu dabasocdo dilkii kal
hore ka dhacay Sararawayne kaas oo labadii marxuum mid ka
mid ah uu yahay inaadeerkii ninkan falka gaystay halka
dhibbanuhuna uu yahay jifida ninkii dilkii Sararawayne
gaystay. Colaadda u dhaxaysa labada ardaa ee ood wadaagta ah
ayaa marar badan laysku dayay in la xakameeyo, balse aan
illaa hadda lagu guulaysan.
Wixii
warar ee ka soo kordha xaalladan cusub, kala soco Ceegaag
online.
www.ceegaag.com
webmaster@ceegaag.com |
