Saraakiil ka Kala socota
IGAD,AU,UN oo Shir ku aadan Somalia ku Yeeshay Nairobi.
(Nayroobi. May
28, 2009 Ceegaag Online)
Shir ay ku yeesheen
Magaalada
Nairobi ee dalka
Kenya
wakiilka Xoghayaha Guud ee Qaramada u qaabilsan arrimaha
Soomaaliya Axmadu Walad Cabdalla, Saraakiil ka kala socotay
Midowga
Afrika iyo IGAD ayay waxay uga hadleen arrimaha
Soomaaliya, iyagoo dood dheer kadib soo saaray
warsaxaafadeed ku aadan arrinta Soomaaliya.
Saraakiishaasi ka kala socotay Qaramada Midoobe, IGAD iyo
Midowga Afrika ayaa waxay ansixiyeen oo ayideen Go’aankii ka
soo baxay 20-ka Bishaan Magaalada
Adis Ababa
ee Dalka Itoobiya, waxeyna si wadajir ah u soo dhaweeyeen
Go’aankii ka soo baxay Golaha Ammaanka iyo Nabadgelyada
Midowga Afrika ku yeesheen 22-kii bishaan.
Go’aankaasi oo nuxurkiisu ahaa in xayiraad la saaro
Garoomada iyo dekadaha ay gacanta ku hayaan xoogaga ka soo
horjeeda Dowladda KMG ah, waxayna sheegeen Saraakiishaasi
inay taasi Talaabo wax ka taraysa in la dhimo ama la wiiqo
awooda kooxaha Mucaaradka ah.
Dhinaca kale saraakiishaasi waxay baaq u direen Golaha
ammaanka ee Qaramada Midoobay inay tixgelin siiyaan codsiga
iyo dalabka uga yimid Midowga Afrika iyo urur goboleedka
IGAD ee ah in la meel mariyo xayiraadahaasi la saaray
Dekadaha iyo Garoomada Diyaaradaha ay ku yaaliin deegaanada
ay gacanta ku hayaan kooxaha ka soo horjeeda Dowladda KMG
ah.
www.ceegaag.com
webmaster@ceegaag.com |
