Maamulka Al_Shabaab oo Ka
Hadlay Dagaaladdi Magaaladda Muqdisho.
(Muqdisho.
May 13, 2009 Ceegaag Online)
Masuulka ugu sareeya xarakada al-shabaab sheekh muqtaar c/raxmaan
(abuu subeyr) oo cod fariin ah soo gaarsiiyay warbaahinta
ayaa waxaa uu kaga hadlay arimo fara badan oo quseeya
xaaladaha dalka iyo dagaaladii ugu danbeeyay.
sheekh muqtaar c/raxmaan (abuu subeyr) ayaa waxaa uu sheegay
in dowlada hada jirta ee Kmg aan lagu tilmaami Karin in ay
tahay islaam isla markaana aysan xitaa u qalmin in lagu
tilmaamo mid wadani ah.
Ka gadaal markii uu fariin cod ah oo ay warbaahinta soo
gaarsiiyeen ururka Al shabaab ayaa sheekhu ku sheegay Sidoo
kale mar uu ka hadlayay xaalada magaalada Muqdisho iyo
dagaalada ka socda ayuu shacabka Soomaaliyeed ugu baaqay in
ay taageeraan waxa uu ugu yeeray xaqa,waxaana uu sheegay in
dagaalka socda uu yahay mid u dhexeeya xaqa iyo baadilka.
"Dagaalka waxaa uu yahay mid xaqa iyo Baadilka ka dhexeeya
dadkana waa in ay garabka siiyaan xaqa,waxaana umadda la
gudboon in ay u adkaysato dhameystirka dowlada islaami ah oo
sax ah,maanta waxaa haray wax yar ee aan isku kaashano
saarida ciidamada shisheeye iyo oo gida Sharciga Alle ."
Ayuu yir amiirka al shabaab abuu Subeyr.
Sidoo kale Mar uu ka hadlayay Doorka Saxaafada iyo xaalada
dalka ayuu kula dardaarmay in ay xaqa ku hadlaan oo ay
ilaaliyaan masuuliyada ka saaran umadda isla markaana ay ka
qeyb qaataan Jihaadka socda oo ay iska ilaaliyaan in umadda
la marin habaabiyo sida uu hadalka u dhigay.
"Qofka saxafiga waa in uu dhowraa hufnaanta iyo cadaalada
shaqadiisa,waana in aad ka qeyb qaadataan Jihaadka
socda,hadii aadan xaqiiqada sheegi karinana ka joogsada in
aad xaqiiqada doorisaan oo aad umadda marin habaabisaan.
ayuu intaasi raciyay shiikh muqtaar c/raxmaan (abuu subeyr)
oo ah amiirka ururka al shabaab.
Fariinta codka ah ee maanta ay ururka al shabaab u qeybiyeen
saxaafadda ayaa waxa ay ku soo beegmaysaa xili xaaladda
magaalada Muqdisho ay tahay mid marti u noqotay dagaalo
wajiyo badan leh, waana fariintii ugu horeeyay ee uu soo
saaro amiirka al shabaab tan iyo markii ururkaasi uu
dagaalada xoogan la galay dowlada kmg Soomaaliya.
www.ceegaag.com
webmaster@ceegaag.com |
