Isku qabqabsi milkiyada
dhulka ee Buuhoodle oo dhagar iyo dhiig saaka ku
dhardhaartay beelaha Cigaalnaaleye iyo Khaalid
(Buuhoodle.
May 05, 2009 Ceegaag Online)
Magaalada Buuhoodle oo ah magaalo
dadka dagani kala dagaalamayaan inay yeelato nidaamka
maamulka iyo kala danbaynta, ayaa abaarihii 10:00
subaxnimo ee saaka waxaa magaalada ka bilowday rasaas
kadib markii muran xaga Milkiyada dhul banaan a'hi dhexmaray
labanin oo u dhashay beesha Cigaalnaaleeye.
Labadan nin ayaa kala ahaa alla ha u
naxariistee
Marxuum
Cabdi Cumar (Galeydh)
iyo Libaaxyare Cabdi dheeg oo ay walaalo yihiin nin caana oo
xaga siyaada ugu xiran maamulka Somaliland oo loo yaqaan
Jaamac Kuutiye.
Libaaxyare ayaa gacanta lagu hayaa
oo ay beesha Caligari gacanta ku haysaa iyada oo loogu
dhiibay si looga hortago oo loo hakiyo qulquladan caloodeed
inaysan intaa dhaafin.
Libaaxyare ayaa ku eedeesan inuu
Dilay sadex qof dhaawacayna labo kale isaga oo
iska difaacaya rasaas uu la beegsday marxuum
Galaydh.
Dadka ku dhintay is rasaaseentan
ayaa waxaa naloogu sheegay Alle ha u wada naxariistee
Gabadh uu dhalay
Maxamed
jaamac Jiciir oo ahayd beesha khaalid, iyo
Xasan Faahiye Xasan Isxaaq
oo isna ahaa beesha khaalid.
Waxaa kaloo rabshadaa ku
dhaawacmay Farxaan Maxamed Ibraahim (Cigaalnaaleeye) iyo nin
kale oo naloogu shaagayo inuu ahaa Ogaadeen ama Bah Ogaadeen
oo kamida Beesha reer Hagar.
Dhaawacaa ayaa loola cararay
magaalada Burco oo ay hada Caafimaadkoodu aad ugu Fiican
yahay.
Mashaqadaa kadib waxaa Beesha Khaalid aano Aargoosi ah
ugu dileen Alla ha u naxariistee
Mahad Maxamed Dhantac oo lagu naaneesi jiray
Mahadyare oo u dhashay beesha Cigaalnaaleeye. Raga gaystay
dilkan ayaa iyaga gacanta lagu haynin.
Magaalada ayaa sidii caadada u ahaan jirtay odayadii
Koofiyad baclayaasha ahaa ka bilaabeen abaabulka xasilooni
daro ee ay uga baayac mushtaraan dhiiga dadka ku dhaqan
deegaanada Hawdka Buuhoodle iyo Buuhoodlaba.
Waxaa socda qaylodhaan ladoonayo in lagu furto dadka
qurbaha Jooga, oo iyagu caadeestay inaysan ka ilbixin
Quluxquluxda Koofiyad Baclayaasha Dhiigmiiratada ee odoyaal
ku sheegyada.
Colaadan ayaana Halkeedaa dhaafidoonin iyada oo
qulquladaha noocan oo kale ah ee dhexmarta beelaha
Dhulbahante la ogyahay inay socdaan galin uun
galinkiina dhamaaday.
www.ceegaag.com
webmaster@ceegaag.com |
